اسلام آباد۔9اپریل (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر احسن اقبال ءَ گوشت کہ پاکستان ءَ مزنیں سفارتی سوبمندی یے رستگ، ایشی ءِ آسر ءَ یک بوت کنوکیں دمگی جیڈھ ءِ دیم ءَ دارگ بوتگ ءُ بوت کنوکیں اقتصادی بحران ءَ چہ دگنیا ءَ را رکّینگ ءِ تہ ءَ ھم ھاسیں کرد پیلو کنگ بوتگ۔ ایکس ءِ سر ءَ آئی ءَ گوشت کہ اے …
پاکستان ءَ یک ذمہ واریں ریاست ءِ بستار ءَ جھان ءِ امن ءِ دیمروئی ءِ تہ ءَ مدام جوانیں کرد پیلو کتگ، احسن اقبال
اسلام آباد۔9اپریل (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر احسن اقبال ءَ گوشت کہ پاکستان ءَ مزنیں سفارتی سوبمندی یے رستگ، ایشی ءِ آسر ءَ یک بوت کنوکیں دمگی جیڈھ ءِ دیم ءَ دارگ بوتگ ءُ بوت کنوکیں اقتصادی بحران ءَ چہ دگنیا ءَ را رکّینگ ءِ تہ ءَ ھم ھاسیں کرد پیلو کنگ بوتگ۔ ایکس ءِ سر ءَ آئی ءَ گوشت کہ اے سوبمندی مزن وزیر شہباز شریف ءُ فیلڈ مارشل عاصم منیر ءِ کوھینیں سروکی ءُ برجاھیں سفارتی کوشست آنی آسر اِنت۔ ایشانی بے مٹیں کوشست آنی سبب ءَ سیادی داروکیں گل آنی نیام ءَ جنگ بندی ممکن بوت کہ ایشی ءَ چہ نہ ایوک ءَ کش ءُ چیل کم بوت بلکیں دمگ ءَ امن ءِ آسراتی ھم رژناہ بوت۔ احسن اقبال ءَ اے دیمروئی ءَ را پاکستان ءِ واستہ یک ھاسیں سنگ میل لیک اِتگ ءُ گوشت کہ اسلام آباد ءَ متوقع گپ ءُ تران دائمی امن ءِ بنیات ثابت بوت کنت۔ آئی ءَ گوشت کہ پاکستان ءَ یک زمہ واریں ریاست ءِ بستار ءَ دگنیا ءِ امن ءِ دیمروئی ءِ واستہ مدام جوانیں کرد پیلو کتگ ءُ اے سوبمندی ھمے پالیشی ءِ برجائی انت۔ وفاقی وزیر ءَ گیش گوشت کہ اے سوبمندی ءَ چہ نہ ایوک ءَ پاکستان ءِ جھان ءِ بستار ءَ را گیش کتگ بلکینگ ءَ میاں اوستمانی براتی ءِ تہ ءَ ملک ءِ جوانیں ءُ جوڑیشت ءِ کرد ءَ را ھم ستا کنگ بوھگ ءَ اِنت۔ آئی ءَ راج ءَ چہ دزبندی کتگ کہ اے سوبمندی ءِ ھاتر ءَ اللہ تعالیٰ ءِ شکر ءَ بہ زور اَنت ءُ ملک ءِ دیمروئی، مھکم ءُ ایمنی ءِ ھاتر ءَ دعا کنگ ءَ برجاہ بہ دار اَنت۔
