نائب وزیراعظم محمد اسحاق ڈار تون چینی سفیر نا اوڑدہی ، دے ٹک نیامی ٹی امن و سلامتی نا مون آدننگ کن پاکستان نا تعمیری کڑد انا ستاء

اسلام آباد۔ 08 اپریل (اے پی پی ) نائب وزیراعظم و وزیرخارجہ سینیٹر محمد اسحاق ڈار تون عوامی جمہوریہ چین نا سفیر جیانگ ژی ڈونگ چارشنبے  نادے آ داڑے اوڑدہی کرے۔ دفترخارجہ نا رداٹ نائب وزیراعظم دے ٹک نیامی و دیکی ایشیاٹی دیرپاامن و سوگوی نا قیام کن پاکستان نا آخبتی عزم انا درشانیءِ کرسا داہیت آ زور شاغا کہ گپ وتران و سفارتکاری ہی پائیدار ایسری کن المی ذریعہ ءِ۔ چینی سفیر دے ٹک نیامی و خلیجی ڈیہہ اٹی امن و سلامتی نا مون آ دننگ کن پاکستان نا تعمیری کڑد انا ستاءِ کرسا چین نا حکومت نا کنڈآن پاکستان نا ستاءِکرے۔ ہڑتوم آ کنڈآن دااومیت نا درشانی ءِ کننگاکہ برجا سفارتی کوشست آک غٹ فریق آتا فائدہ غاتیٹی ڈیہہ اٹی پائیدار امن وسوگوی نا سوب جوڑمریرہ۔