سنگاپور۔ 18جولائی (اے پی پی) ایشیائی مارکیٹ اٹی دوشنبے آ کاروباری ہفتہ نا اولیکو دے خام تیل انا نرخ آتے ٹی ودکی نا رجحان سلیس ہرانا سوب امریکہ و چین نا معیشت اٹی گچینی نا بارواٹی رپورٹ نا اجراءآن گڈ دنیا نا ہڑتوم آ بھلا معیشت آتے ٹی خام تیل ناطلب اٹی ودکی نا بارواٹی خننگوک آ اومیت آک ئُ۔ امریکہ نا ویسٹ ٹیکساس انٹرمیڈیٹ نا معاہدہ 7سینٹ یا 0.15درسد نا ودکی آن 46.02ڈالر اسہ بیرل اٹی پک مس وخت اس کہ برینٹ نارتھ سی کروڈ نا سودہ 23سینٹ یا 0.48درسد نا گچینی آن 47.84ڈالر اسہ بیرل اٹی پک مس۔ امریکی کامرس ڈیپارٹمنٹ نا جاری اسہ رپورٹ اسینا رداٹ جون نا وخت آ ریٹیل سیلز اٹی اومیت آتیان زیات ودکی ریکارڈ کننگا ہراکہ معیشت نا شون اکن نیک شگون ئِ۔ سڈنی ٹی سی ایم سی مارکیٹس نا چاہندار ریک سپونر میڈیا ئِ پارے کہ زرکارآتے ٹی ترکی ٹی جمہوری حکومت نا تختہ چپی مننگ نا کوشست آن ودی مروک آ حالیت نا بارواٹی گڑتی خننگک واہم داحالیت آتا خام تیل انا نرخ آتیا اثرشاغنگ نا گما ن اف۔
