نائب مزن وزیر اسحاق دار ءَ اقتصادی انتظامی اصلاحات ءِ ھوالگ ءَ دیوان ءِ سروکی

اسلام آباد۔1جنوری  (اے پی پی): اقتصادی انتظامی اصلاحات کمیٹی ءِ اولی دیوان ءِ سروکی ءَ نائب مزن وزیر ءُ دری کارانی وزیر سینیٹر  محمد اسحاق ڈار ءَ کت۔ پنچ شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ دیوان ءَ توانائی، چاگردی شوبگ ءُ گورننس ءَ ھوار جتا جتائیں شوبگ آنی تہ ءَ حکومت ءِ سرجمیں اقتصادی منصوبگ آنی سر ءَ عمل درآمد ءِ واستہ آیوکیں وھد ءِ سر ءَ ھیال ریچی کنگ بوتگ۔ اے درگت ءَ پلاننگ کمیشن ءُ ایندگر وزارت آنی کرد ءِ سر ءَ سرجمیں رنگ ءَ ھیال ءُ لیکہ ءِ درشان کنگ بوت۔ نائب مزن وزیر ءُ وزیر ءِ درئی کار ءَ ھما شوبگ آنی سر ءَ دلگوشی دیگ ءِ ارزشت ءِ سر ءَ زور پر دات کہ آ ترند ءُ گیش ھواریں اقتصادی دیمروئی ءِ واستہ   جوڑ بوت کن اَنت۔ دیوان ءِ تہ ءَ وزیر ءِ منصوبگ بندی، مزن وزیر ءِ ھاسیں کمکار طارق باجوہ، این سی ایس آئی ایف سی، سیکرٹری منصوبگ بندی ءُ ایندگر مزنیں کارندہ آنی بھر زوری بوتگ، وھدیکہ وزیر ءِ ھزانگ، وزیر ءِ اقتصادی امور ڈویژن ءُ موسمیات ءِ وزیر ءَ آن لائن ءِ رنگ ءَ بھر زرتگ۔