نائب مزن وزیر اسحاق ڈار ءَ بنجاہی ریفائنری آنی تہ ءَ پیداکیں پٹرول ءِ تہ ءَ ایتھنول ءِ ھوار کنگ ءِ تجویز ءِ سر ءَ دیوان ءِ سروکی

اسلام آباد۔1جنوری  (اے پی پی): نائب مزن وزیر ءُ درئی کارانی وزیر محمد اسحاق دار ءَ دمگی ریفائنری آنی تہ ءَ پیداکیں پٹرول ءِ تہ ءَ ایتھنول ءِ ھوار کنگ ءِ تجویز ءِ سر ءَ دیوان ءِ سروکی ءَ کت۔ پنچ شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ دیوان ءَ را تجویز ءِ ھوالگ ءَ بریفنگ دیگ بوت۔ تفصیلی شور ءُ سلاہ ءَ پد کمیٹی ءَ سفارش کت کہ چیا کہ ایتھنول ءِ انوگیں نرخ پٹرول ءِ چہ گیش انت، ایتھنول ءِ رضاکارانہ آمیزش ءِ آپشن ءَ را ریفائنری ءُ ایتھنول ریفائننگ انڈسٹری ءِ مالی زندگ دارگ ءِ رد ءَ ھیال کنگ بہ بیت۔ اوگرا ءَ را پنت ءُ شون کنگ بوتگ کہ آ ایتھنول ءِ برآمدات ءِ مالی تک ءُ پہنات ءُ ایشی ءِ دمگی پیداوار ءِ پٹرول ءَ ھوار کنگ ءِ سر ءَ سہ ماہی ءِ بنیاد ءَ چار ءُ تپاسی بہ کنت ءُ پٹرولیم ڈویژن ءِ وسیلگ ءَ وتی رپورٹ ءَ مزن وزیر کارگس ءَ پیش بہ کنت۔ گند ءُ نند ءَ مزن وزیر ءِ ھاسیں کمکار طارق باجوہ، سیکرٹری پٹرولیم، سیکرٹری انڈسٹریز ءُ پروڈکٹس، چیئرمین اوگرا، پاکستان ایتھنول مینوفیکچررز ایسوسی ایشن ءُ پاکستان آٹوموٹو مینوفیکچررز ایسوسی ایشن ءِ نمائندگ آنی بھر زوری بوتگ۔