سال 2026 کرکٹ ءِ سرکاری ھزمت ءُ جھان ءِ بالادستی ءِ سال بیت، محسن نقوی

اسلام آباد۔1جنوری  (اے پی پی): وفاقی تہی کارانی وزیر ءُ چیئرمین پاکستان کرکٹ بورڈ محسن نقوی ءَ راج ءَ را نوکیں سال ءِ مبارک بات دیگ ءِ وھد ءَ گوشت کہ سال 2026 ءَ سرکاری ھزمت ءِ مشن پیسر ءَ چہ گیش جوش ءُ جزبگ ءِ گوما برجاہ بیت ءُ پاکستان ءَ را گلوبل لیول ءِ سر ءَ باوقاریں جاگہ ​​دیگ بیت۔ محسن نقوی ءَ وتی مبارکی کلوہ ءِ تہ ءَ 2025سال ءَ را پاکستان ءِ دفاعی راجدپتر ءِ مستریں سال لیک اِتگ ءُ گوشت کہ دفاعی اُرد ءِ سروک فیلڈ مارشل جنرل عاصم منری ءِ دلیری ءِ سروکی ءَ پاکستانی اُرد ءَ بازیں رند ءَ چہ گیش زوراکیں دژمن ءِ تکبر ءِ سر ءَ زھر شانی کتگ۔ آئی ءَ پاک فضائیہ ءِ شاہنوز آنی کارکردگی ءُ السی یکوئی ساڑاتگ ءُ گوشت کہ شھید آنی ھون ءَ ملک ءِ مڈّی گیش مھکم کتگ اَنت۔ آئی ءَ امن ءِ برجائی ءِ ھاتر ءَ وتی سر ندر کرتگیں بہادریں زھگ آناں سلام دات۔ پی سی بی ءِ چیئرمین محسن نقوی ءَ کرکٹ ءِ تہ ءَ ھاسیں سنگ میل آنی بابت ءَ گپ جنان ءَ گوشت کہ آئی سی سی چیمپئنز ٹرافی ءِ سوبمندیں برجم دارگ پرامن ءُ ایمنی ءِ پاکستان ءِ گواہی اِنت۔ اسلام آباد ءِ تراک ءِ باوجود سری لنکا ءُ سئے راجی ٹیسٹ ءِ ایمنیں برجم دارگ سیکورٹی فورسز ءِ مزنیں سوبمندی یے بوتگ۔ سال ءَ پد کرکٹ ءِ فیصل آباد ءَ واتر بوھگ ءَ نہ ایوک ءَ شائقین ءِ تہ ءَ جوش ءُ جزبہ پیداک کتگ بلکیں پی سی بی ءِ بندوبست ءَ را ھم جھان ءِ شناخت رستگ۔ وفاقی وزیر ءَ نوکیں سال ءِ ھاتر ءَ مول ءُ مراد آنی درشان کنان ءَ گوشت کہ 2026 ءَ تاں اسٹیڈیم آنی اپ گریڈیشن، آسراتی آنی تہ ءَ گہتری ءُ نوکیں ناظرین آناں ھوار کنگ مئے اولی ترجی اِنت۔ آئی ءَ اے گپ ءِ سر ءَ زور پر دات کہ مزنیں کارکردگی پیش داروکیں کھڈکار آناں کارکردگی ءِ واستہ دلبڈی دیگ بیت ءُ ملکی ءُ میاں اوستمانی کرکٹ ءِ نیام ءَ مھکمیں سیادی جوڑ کنگ بیت۔ محسن نقوی ءَ اے جزم ءِ یک رندے پدا گوشت کہ پاکستان ءَ را امن، استحکام ءُ وشھالی ءِ راہ ءَ دیم ءَ برگ ءِ واستہ ھمک چیلنج ءِ دیم ءَ یکوئی ءُ دلیری ءِ گوما دیم پہ دیم کنگ بیت۔