پی سی بی ءِ چیئرمین ءَ نوکیں سال ءِ روچ ءَ راج ءَ را سلام دات، 2026 ءَ مردمانی ھزمت ءِ مشن پیسر ءَ چہ گیش زور ءَ گوں برجاہ بیت، محسن نقوی

لاہور۔1جنوری  (اے پی پی): وفاقی تہی کارانی وزیر ءُ پی سی بی ءِ چیئرمین محسن نقوی ءَ سرجمیں راج ءَ را نوکیں سال ءِ مبارک بات سر کتگ ءُ نیکیں واھگ آنی درشان کتگ۔ پی سی بی ءِ نیمگ ءَ جاڑی بوتگیں بیان ءِ تہ ءَ آئی ءَ گوشت کہ استیں حکومت ءَ سال 2025 ءَ الس ءِ زندمان ءَ آسراتی پیداک کنگ ءِ واستہ ہر وڑیں کوشست کتگ، اللہ تعالیٰ ءِ فضل ءُ کرم ءَ چہ 2026 ءَ الس ءِ ھزمت ءِ مشن پیسر ءَ چہ گیش زور ءَ گوں برجاہ بیت۔ آئی ءَ گوشت کہ 2025دفاع ءِ رد ءَ پاکستان ءِ واستہ راجدپتری سال بوتگ ءُ چیف آف ڈیفنس فورسز فیلڈ مارشل سید عاصم منیر ءِ دلیری ءِ سروکی ءَ پاک فوج ءَ باز چہ گیش طاقتوریں دژمن ءِ تکبر ءَ را کچل داتگ، پاک فضائیہ ءِ فالکنز ءَ دژمن ءَ را فیصلہ کنوکیں رنگ ءَ شکست داتگ۔ آئی ءَ گوشت کہ 2025 ءَ ما وطن ءِ رکھینگ ءُ امن ءِ برجائی ءِ واستہ ھمک رنگ ءِ کوشست ءَ کناں۔ من ھما بہادریں زھگاں سلام پیش کناں کہ آیاں وتی جان ندر کتگ اَنت۔ پاکستان ءِ مڈّی شہیداں گوں وتی گران بھائیں ھوناں مہکم کرتگ اَنت۔ آئی ءَ گوشت کہ پاکستان ءَ را امن، ایمنی ءُ وشھالی ءِ کشک ءِ سر ءَ دیم ءَ برگ ءِ واستہ ھمک چیلنج ءِ گوما جزم، دلیری ءُ یکوئی ءِ گوما دیم پہ دیم کنگ بیت۔ 2025 ءَ پاکستان ءَ کرکٹ ءُ ایندگر لیب ءُ گوازی آنی تہ ءَ سوبمندی رستگ کہ اے لیب کنوک آنی محنت ءِ گواہ اِنت۔ آئی سی سی چیمپئنز ٹرافی ءِ سوبمندیں برجم دارگ پرامن ءُ ایمنی ئیں پاکستان ءِ سوب مندی انت۔ سال ءَ پد کرکٹ ءِ فیصل آباد ءَ واتر بوھگ ءَ نہ ایوک ءَ شائقین ءِ جوش ءُ جزبہ گیش بوتگ بلکیں پی سی بی ءِ پیشہ وارانہ بندوبست ءَ را عالمی تک ءَ ھم پدر کتگ۔ آئی ءَ گوشت کہ اسلام آباد ءَ تراک ءَ پد سری لنکا ءِ سیریز ءُ ٹرائی نیشنل ءِ سیریز ءِ ایمنیں دارگ یک مزنیں چکاس ات، ایشی ءَ چہ سیکورٹی فورسز ءِ بے مٹیں کوشست آنی سبب ءَ سوبمند بوت۔ اے سوبمندی 2025 ءَ پاکستان کرکٹ ءِ سفر ءِ تہ ءَ یک مھکمیں سنگ میل ءِ رنگ ءَ ثابت بوت اَنت۔نوکیں سال ءَ پاکستان کرکٹ ءَ را گیش مھکم، منظم ءُ پائیدار جوڑ کنگ ءِ سر ءَ سرجمیں دلگوشی دیگ بیت۔ ملکی ءُ میاں اوستمانی کرکٹ ءِ نیام ءَ مھکمیں رابطہ ءِ جوڑ کنگ ءَ چہ اے معیار ءَ را گیش برز کنگ بیت۔ ہائی پرفارمنگ کھلاڑی آنی میرٹ ءِ سر ءَ حوصلہ افزائی ءُ حمایت ءَ را یقینی جوڑ کنگ بیت۔ اسٹیڈیم آنی اپ گریڈیشن، آسراتی آناں گہتری ءُ نوکیں جاگہ ​​آناں ھوار کنگ 2026ءِ ساھت ءَ اولی ترجی ءِ رنگ ءَ بیت۔چیئرمین پی سی بی ءَ نوکیں سال ءَ راجی ٹیم ءِ واستہ ایونٹس آنی تہ ءَ گیش سوبمندی ءُ جوانیں کارکردگی ءِ واستہ نیکیں واھگ آنی درشان کت ءُ گوشت کہ انشاءاللہ 2026سال پاکستان ءَ را گلوبل تک ءَ مھکمیں ءُ پاکستان ءَ را باوقار دیگ ءِ سال بیت۔