مزن وزیر شہباز شریف ءَ چار ءُ تپاسی دیوان ءِ سروکی ءَ کنان ءَ معیشت ءَ گوں سیادی داروکیں توامیں وزارت آنی نیمگ ءَ چہ عملی گامگیج، کسانیں وھد ءُ پاسی گامگیج  ءُ سپارش آناں لوٹ کتگ

اسلام آباد۔1جنوری  (اے پی پی): مزن وزیر محمد شہباز شریف ءَ معیشت ءَ گوں سیادی داروکیں توامیں وزارت آنی نیمگ ءَ چہ کسانیں مدتی جامع حکمت عملی ءِ واستہ عملی گامگیج ءُ سوج لوٹ اتگ ءُ گوشت کہ سرمایہ کار آناں آسانی ءِ واستہ ادارگی ءُ انتظامی آسراتی پجاری حکومت ءِ اولی ترجی انت۔ برآمداتی شوبگ ءِ دیمروئی ءِ واستہ تجویز ءُ سرمایہ کاری ءَ را گیش کنگ ءِ واستہ پیش کرتگیں دیمروئی منصوبگ آناں ھاسیں ارزشت دیگ بہ بیت۔ اقتصادی اصلاحات ءِ موثر ءُ اقتصادی دیمروئی ءِ سرجمیں ھاتر ءَ درستیں وزارت آنی یکے دومی ءِ ھمگرنچی ءُ فدرال ءُ صوبائی حکومت آنی یکوئی کمک سک باز المی اِنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی کت۔ نوکیں سال ءِ اولی روچ ءَ آئی ءَ معیشت ءَ گوں سیادی داروکیں توامیں وزارت آنی تہ ءَ جاری انتظامی ءُ اقتصادی اصلاحات، سرمایہ کاری ءِ تہ ءَ گیشی ءُ دیمروئی منصوبگ آنی تجویز آنی سر ءَ چار ءُ تپاسی کت۔ گند ءُ نند ءَ نائب مزن وزیر ءُ درئی کارانی وزیر محمد اسحاق دار، وفاقی وزیر ءِ منصوبہ بندی ءُ دیمروئی احسن اقبال، وفاقی وزیر ءِ اطلاعات ءُ شنگکاری عطا اللہ تارڑ، وفاقی وزیر ءِ پٹرولیم علی پرویز ملک، وفاقی وزیر اقتصادی کار  احد خان چیمہ ،  مزن وزیر ءِ ھاسیں کمکار ہارون اختر، توامیں صوبگ آنی چیف سیکرٹری، نیشنل کوآرڈینیٹر ایس آئی ایف سی ءُ ایندگر سیادی داروکیں سرکاری کارندہ وفاقی وزیر   شریک بوتگ اَنت۔  مزن وزیر ءَ معیشت ءَ گوں سیادی داروکیں توامیں وزارت آنی نیمگ ءَ چہ عملی گامگیج ءُ کم چہ کم ٹائم فریم ءِ گوما یک سرجمیں حکمت عملی ءُ سفارش آنی لوٹ کتگ۔ اے موہ ءِ سر ءَ جتاجتائیں وزارت آں مزن وزیر ءَ را برجاھیں دیمروئی منصوبگ ءُ اقتصادی، ادارگی ءُ انتظامی اصلاحات ءِ رپک آنی بابت ءَ سرپد کت۔ مزن وزیر ءَ اقتصادی دیمروئی ءُ اصلاحات ءِ تجویز آنی تہ ءَ وزارت آنی نیام ءَ وت مہ وتی ءُ صوبگ ءُ وفاقی ادارگ آنی نیام ءَ وت مہ وتی کمک ءِ جوڑ کنگ ءِ ھم ہدایت کتگ۔ مزن وزیر ءَ گوشت کہ حکومت ءِ نیمگ ءَ زور داتگیں اقتصادی اصلاحات آنی سر ءَ بنیات ءِ سر ءَ اقتصادی گورننس پالیشی ءِ جوانیں رنگ ءَ عمل درآمد توامیں وزارت آنی واستہ المی اِنت۔ مزن وزیر ءَ ہدایت کت کہ توامیں وزارت وتی شوبگاں گوں سیادی داروکیں درملکی ءُ ملکی سرمایہ کاری ءُ دیمروئی منصوبگ آنی واستہ زوتاں چہ زوت سفارش جوڑ بہ کن انت۔ سرمایہ کار آنی آسراتی ءِ واستہ ادارہ جاتی ءُ انتظامی آسراتی حکومت ءِ اولی اولویت اِنت۔ مزن وزیر ءَ درملکی ءُ ملکی سرمایہ کار آناں گیش ءَ چہ گیش آسراتی پجاری ءِ واستہ سفارشات ءِ ھم دعوت دات ءُ ہدایت کت کہ برآمداتی شوبگ ءِ دیمروئی ءِ واستہ تجویز ءُ سرمایہ کاری ءَ را گیش کنگ ءِ واستہ پیش کرتگیں دیمروئی منصوبگ آناں ھاسیں ارزشت دیگ بہ بیت۔ آئی ءَ گوشت کہ جوانیں اقتصادی اصلاحات ءُ سرجمیں اقتصادی دیمروئی ءِ واستہ توامیں وزارت آنی وت مہ وتی ھمگرنچی ءُ وفاقی ءُ صوبائی حکومت آنی وت مہ وتی کمک سک باز ارزشتی اِنت۔ درملکی سرمایہ کاری ءِ تہ ءَ گیشی ءِ واستہ سیادی داروکیں وزارت آناں سرجمیں دگنیا ءَ پاکستانی سفارتخانہ آنی وسیلگ ءَ جوانیں رنگ ءَ کمک کنگ لوٹ ایت تانکہ درملکی سرمایہ کار آناں آسراتی رس ایت۔ سرمایہ کارانی واستہ آسراتی ءِ بابت ءَ بنداتی سرپدی ءُ دگہ ھاسیں زانتکاری دستیاب کنگ بہ بنت۔ مزن وزیر ءَ گوشت کہ سرمایہ کاری ءِ تہ ءَ گیشی ءِ واستہ وزارت آناں صنعتی پیداوار، کشت ءُ کشاری ءُ اے دگہ درستیں ھاسیں شوبگ آنی سر ءَ یک وڑیں دلگوشی دیگی اِنت۔