راجی اسمبلی ءِ اسپیکر سردار ایاز صادق ءَ بنگلہ دیش ءِ چیف ایڈوائزر ڈاکٹر محمد یونس ءَ گوں گند ءُ نند کتگ، دو نیمگی سیادی ءِ جتا جتائیں تک ءُ پہناتانی سرا گپ ءُ تران بوتگ

ڈھاکہ۔ 31 دسمبر (اے پی پی): راجی اسمبلی ءِ اسپیکر سردار ایاز صادق ءُُ بنگلہ دیش ءِ چیف ایڈوائزر ڈاکٹر محمد یونس ءَ چار شمبے ءِ روچ ءَ گند ءُُ نند کتگ ایشی ءِ تہ ءَ دو نیمگی سیادی ءِ جتا جتائیں تک ءُُ پھنات آنی سر ءَ گپ ءُُ تران کنگ بوتگ ایشی ءِ تہ ءَ وت مہ وتی مفاد ءِ جیڈھ آنی سر ءَ گپ ءُُ تران کنگ بوتگ۔ قومی اسمبلی ءِ جارکش ءِ رد ءَ گند ءُ نند ءَ اسپیکر سردار ایاز صادق ءَ ھم بنگلہ دیش ءِ پیسریگیں مزن وزیر خالدہ ضیاء ءِ بیرانی ءِ سر ءَ دلپدردی درشان کتگ ءُ گوشت کہ آئی ءِ غم ءَ پاکستان ءِ حکومت ءُ الس یک پیم ءَ بھر زور اَنت۔ گند ءُ نند ءَ پاکستان ءُ بنگلہ دیش ءِ نیام ءَ سیادی ءِ گہتری ءِ سر ءَ دل یکیمی ءِ درشان کنگ بوت ۔ راجی اسمبلی ءِ اسپیکر سردار ایاز صادق ءَ دوئیں ملک آنی نیام ءَ پارلیمانی سیادی ءَ را دیمروئی دیگ ءِ سر ءَ زور پر دات۔ سردار ایاز صادق ءَ دوئیں ملک آنی پارلیمنٹ آنی تہ ءَ پاکستان ءُُ بنگلہ دیش دوستی ءِ گل جوڑ کنگ ءِ سوج ھم دات۔ اے موہ ءِ سر ءَ ڈاکٹر محمد یونس ءَ گوشت کہ آ پاکستان ءِ گوما وتی سیادی آناں سک باز ارزشت ءَ دنت ۔ آ پیسریگیں مزن وزیر خالدہ ضیاء ءِ جنازہ ءِ نماز ءَ بہر زورگ ءِ ھاتر ءَ پاکستان ءِ حکومت ءُُ الس ءِ منت وار اِنت، ءُ پارلیمانی ءَ ھوار درستیں پڑاں پاکستان ءِ گوما مھکمیں سیادی ءَ را دیم ءَ برگ ءَ اِنت۔ بنگلہ دیش ءِ سروکیں مشیر ڈاکٹر محمد یونس ءَ گوشت کہ آ دمگ ءَ امن ءُُ ایمنی ءِ تہ ءَ پاکستان ءِ کرد ءَ را ارزشت دنت۔ اسپیکر ئَ گوشت کہ پاکستان آئی ئِ دومی گس اِنت، مزن تک ءِ رابطہ ءَ چہ سیادی ئَ گیش گہتر بنت، دوئیں ملک آنی نیام ئَ جتا جتائیں شوبگ آنی تہ ئَ کمک ئِ جوانیں موہ است اَنت، مزن تک ءِ ڈل آنی تر ءُ تاب ءَ چہ کمک ءِ نوکیں راہ پچ بوتگ اَنت۔ اے موہ ءِ سر ءَ بنگلہ دیش ءِ چیف ایڈوائزر ءَ مزن وزیر شہباز شریف ءَ را نیکیں واھگ آنی کلوہ ھم سر کت۔