اسلام آباد۔ 31 دسمبر (اے پی پی): مزن وزیر محمد شہباز شریف ءَ سعودی عرب ءِ گوما پاکستان ءِ سرجمیں یکوئی ءِ درشان کتگ ءُ گوشت کہ گپ ءُ تران ءُ سفارتکاری ءِ وسیلگ ءَ دمگی امن ءُ ایمنی ءِ برجائی ناگزیر اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ چار شمبے ءِ روچ ءَ سعودی …
مزن وزیر شہباز شریف ءُ سعودی ولی عہد محمد بن سلمان ءِ نیام ءَ ٹیلی فون ءِ سر ءَ گپ ءُ تران کنان ءَ دو نیمگی براتی سیادی ءَ را گیش مھکم کنگ ءِ وتی جزم ءِ درشان
اسلام آباد۔ 31 دسمبر (اے پی پی): مزن وزیر محمد شہباز شریف ءَ سعودی عرب ءِ گوما پاکستان ءِ سرجمیں یکوئی ءِ درشان کتگ ءُ گوشت کہ گپ ءُ تران ءُ سفارتکاری ءِ وسیلگ ءَ دمگی امن ءُ ایمنی ءِ برجائی ناگزیر اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ چار شمبے ءِ روچ ءَ سعودی عرب ءِ ولی عہد ءُُ مزن وزیر شہزادہ محمد بن سلمان بن عبدالعزیز السعود ءَ گوں ٹیلی فون ءِ سر ءَ گپ ءُُ تران کتگ۔ بیان ءِ رد ءَ سک باز گرم ءُُ دلکشیں گپ ءُُ تران ءِ ساھت ءَ مزن وزیر ءَ دو شریک مسجد ءِ نگہبان شاہ سلمان بن عبدالعزیز السعود ءُ ولی عہد محمد بن سلمان ءِ واستہ وتی شرپ ءُُ نیکیں واھشت آنی درشان کت۔ مزن وزیر ءَ ولی عہد محمد بن سلمان ءِ پاکستان ءَ گوں مہر، مخلصی ءُ گرمائش ءِ پد ءَ شگر ءُ منت گپت۔ دوئیں رہشوناں اے گپ ءِ دوبر پدر کت کہ گوستگیں ماھ آنی تہ ءَ نوکیں بالاد ءَ سر بوتگیں دیریں ءُُ براتی سیادی آناں گیش مھکم کنگ بیت۔ دوئیں بامرد آں دمگی جاور ھال ءُ استیں جاورانی بابت ءَ ھم گپ ءُ تران کتگ ۔ مزن وزیر ءَ جتا جتائیں چیلنج آنی دیمپانی ءَ مسلم امت ءِ نیام ءَ یکوئی ءُ یکوئی برجائی ءِ ضلورت ءِ سر ءَ زور پر دات۔ سعودی عرب ءِ بادشاہی ءِ گوما پاکستان ءِ سرجمیں یکوئی ءِ درشان کنان ءَ مزن وزیر ءَ گوشت کہ گپ ءُُ تران ءُ سفارتکاری ءِ وسیلگ ءَ دمگی امن ءُ ایمنی ءِ برجائی المی اِنت۔ ولی عہد محمد بن سلمان ءَ ٹیلی فون ءِ گپ ءُُ تران ءِ سر ءَ مزن وزیر ءِ منت گپت ءُُ پاکستان ءِ گوما وت مہ وتی مفاد ءِ درستیں پڑ آنی تہ ءَ کمک ءَ را گیش گیش کنگ ءِ بادشاہی ءِ واھشت ءِ پدا زور دات۔ آیوکیں سال ءَ پاکستان ءِ سرکاری تر ءُ تاب ءِ واھشت ءِ ھم درشان کتگ ۔
