نائب مزن وزیر محمد اسحاق ڈار پاکستان ءُ چین ءِ درئی کارانی وزیر آنی اسٹریٹجک گپ ءُ تران ءِ ھپتمی راؤنڈ ءِ شریک سروکی ءِ واستہ چین ءِ تر ءُ تاب ءَ کنت، دری کارانی کارگس

اسلام آباد۔31دسمبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار  4 جنوری ءَ چین ءِ دری کارانی وزیر ءُ چین ءِ کمیونسٹ پارٹی ءِ سیاسی بیورو ءِ باسک وانگ یی ءِ دعوت ءِ رد ءَ چین ءِ تر ءُ تاب ءَ کنت ءُ پاکستان ءُ چین ءِ دری کارانی وزیر آنی ھپتمی راؤنڈ ءِ شریک سروکی ءَ کنت۔ چار شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دری کارانی وزیر آنی اسٹریٹجک گپ ءُ تران پاکستان ءُ چین ءِ نیام ءَ مستریں مشاورتی فورم اِنت ایشی ءِ تہ ءَ دو نیمگی کمک ءِ درستیں تک ءُ پھنات آنی ھوار وت مہ وتی جیڈھ آنی سر ءَ سرجمیں رنگ ءَ چار ءُ تپاسی ءِ واستہ یک ڈھانچہ ءِ پلیٹ فارم ءِ پجارینگ بیت۔ گپ ءُ تران ءِ ساھت ءَ دوئیں دری کارانی وزیر 2026 ءَ پاکستان ءُ چین ءِ نیام ءَ سفارتی سیادی ءِ جوڑیشت ءِ 75 سالی روچ ءِ درگت ءَ جتا جتائیں گامگیج ءُ یادگاری کاروائی آنی ھم جار جن اَنت۔ ہر موسم ءِ اسٹریٹجک تعاونی شراکت داری ، ہمے وھد ءَ دمگی امن ، استحکام ءُ برجمیں دیمروئی ءِ ھاتر ءَ یکوئی  جزم  ءِ درشان کنت۔