پنجاب ءِ انفارمیشن ءِ وزیر ءِ بابت ءَ کے پی ءِ مشیر اھوالکاری  ءِ گپ ءُ تران مذمت ءُ شرمندگی ءِ لائک اِنت، ڈاکٹر طارق فضل چوہدری

اسلام آباد۔31دسمبر  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ پنجاب ءِ انفارمیشن وزیر ءِ بابت ءَ کے پی کے ءِ مشیر اھوالکاری  ءِ گپ ءُ تران ءَ را مذمت ءُ شرمندگی لیک اتگ ءُ گشتگ کہ سیاسی اختلافات ءِ وتی جاہ است انت بلے آ مات، گھار ءُ جنک آنی شرپ کنگ ءَ بہ زان انت۔ چار شمبے ءِ روچ ءَ سوشل نیٹ ورکنگ ءِ ویب سائٹ ”ایکس“ ءِ سر ءَ نبشتگیں پوسٹے ءِ تہ ءَ آئی ءَ گْوشتگ کہ بدقسمتی ءَ اے یک استانے ءِ انفارمیشن ایڈوائزر ءِ زبان اِنت، آ ایشانی تک ءَ جھکگ نہ بیت بلے آئی ءَ پیسر ءَ ھم گْوشتگ ءُ من انگت گْوش آں کہ آھانی تہ ءَ سیاسی اختلاف بہ بنت بلے کم چہ کم مات، گھار ءُ جنک آنی شرپ ءَ بہ زان اَنت۔ اے بدیں زبان ءُ اے وڑیں گپ ءُ تران دھرنا ءَ چہ بگر داں روچ ء مروچی برجاہ انت اگاں ھست گڈا بند بہ بیت۔ آئی ءَ گْوشتگ کہ بوت کنت آئی ءَ پہ اے کار ءَ پرمانے رس اِیت ءُ پد ءَ آئی ءِ پد ءَ رندگیری کنگ بیت، صوبائی وزیر ءِ اطلاعات ءِ بابت ءَ اے گپ ءُ زبان سک مذمت ءُ شرمندگی ءِ آماچ اِنت۔