وفاقی وزیر برائے خوراک ءِ سلامتی ءُ پٹ ءُ پول رانا تنویر حسین ءَ گندم ءِ کشت ءُ کشار ، ذخائر ءُ عبوری راجی گندم پالیسی ءِ برجا ءِ جاور ھال ءِ سرا چار ءُ تپاسی

اسلام آباد۔31دسمبر  (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ راجی گندم ءِ نگرانی کمیٹی ءِ دومی دیوان ءِ سروکی کت ایشی ءِ تہ ءَ ربیع 2025-26 ءِ واستہ گندم ءِ کشت ءُ کشار ءِ پیشرفت، گندم ءِ ذخائر ءِ انوگیں جاور ءُ پالیسی ءِ رد ءَ برجا ءِ عمل ءِ رد ءَ عبوری نیشنل Wheat) وزارت ءِ راجی خوراک ءِ ایمنی ءُ پٹ ءُ پول ءِ بیان ءِ رد ءَ گند ءُ نند ءِ ساھت ءَ درستیں صوبگ آناں صوبائی تک ءِ برجا ءِ یونٹ جوڑ کنگ ءِ ہدایت کنگ بوتگ تانکہ عبوری راجی گندم پالیشی ءِ موثر ءُ ہمگامیں برجا ءَ را دل یکیمی کنگ بہ بیت۔ کمیٹی ءَ گندم ءِ کشت ءُ کشار ءِ پیشرفت ءِ استان ءِ رد ءَ ھم چار ءُ تپاسی کتگ۔ پنجاب ءَ گندم ءِ کشار وھد ءِ سر ءَ سرجم کنگ بوتگ ، ھما جاہ ءَ کہ بنداتی بھر ءَ 90درسد کشار سرجم بوتگ ۔ صوبہ ءَ سرٹیفائیڈ گندم ءِ دان ءِ کارمرد کنگ ءَ مزنیں گیشی بوتگ وھدیکہ یوریا کود ءِ کارمرد کنگ ءَ ھم گیشی بوتگ ایشی ءِ مستریں سبب شریں دستیابی ءُ نسبتا کمیں نرخ انت۔ اے سبب آنی آسر ءَ گیش پیداوار ءُ گندم ءِ فصل ءِ گہتری ءِ گمان اِنت کہ ایشی ءَ چہ وفاقی وزارت ءِ کمکی کرد ءِ درشان اِنت کہ آ معیاری بیج ءُ کھاد ءِ رسائی ءَ را آسراتی دیگ ءَ اِنت۔ سندھ ءَ گندم ءِ کشار ءِ پیشرفت جوان بوتگ ءُ صوبہ ءَ کشار ءِ ٹارگٹ ءَ چہ گیش بوتگ۔ بلوچستان ءَ ھور ءِ نہ بوھگ ءِ سبب ءَ گندم ءِ کشت ءُ کشار اے وھد ءَ کم اِنت بلے گمان اِنت کہ متوقع ھوراں پد اے کمی ءِ پیلو کنگ بیت۔ خیبر پختونخوا ءَ گندم ءِ کشت ءُ کشار ءِ مزنیں بہرے سرجم بوتگ بلے ھئور ءِ ھور ءِ دمگاں کشت ءُ کشار ءَ دیر اِنت۔ سرجمی ءَ گندم ءِ کشت ءُ کشار ءِ ٹارگٹ ءِ سرجمیں صوبہ آنی تہ ءَ سرجمی ءِ گمان اِنت۔ کمیٹی ءَ را گندم ءِ استیں اسٹاک ءِ جاور ھال ءِ بابت ءَ ھم سرپدی دیگ بوت۔ وفاقی وزیر رانا تنویر حسین ءَ دل یکیمی دات کہ ملک ءَ گندم ءِ کمی نیست انت ءُ رواں وردن سال ءِ ساھت ءَ راجی لوٹ آناں پیلو کنگ ءِ واستہ جوانیں ذخائر دستیاب انت۔ رانا تنویر حسین ءَ وفاقی ءُ صوبائی حکومت آنی نیام ءَ فوڈ سیکیورٹی ءَ را دل یکیمی کنگ، مارکیٹ آنی تہ ءَ استحکام پیداک کنگ ءُ بروقت پالیسی گامگیج آنی وسیلگ ءَ کشت ءُ کشاری ءِ کمک ءِ ضلورت ءِ سر ءَ زور پر دات۔