راجی اسمبلی ءِ اسپیکر سردار ایاز صادق ءَ بنگلہ دیش ءِ پیسریگیں مزن وزیر خالدہ ضیا ءِ گس ءِ تر ءُ تاب کتگ ءُ آئی ءِ زھگاں گوں دلپدردی درشان

ڈھاکہ۔31دسمبر  (اے پی پی): راجی اسمبلی ءِ اسپیکر سردار ایاز صادق ءَ بنگلہ دیش ءِ پیسریگیں مزن وزیر خالدہ ضیاء ءِ گس ءِ تر ءُ تاب کتگ ءُ بیران بوتگیں زھگانی مات ءِ بیرانی ءِ سر ءَ سک باز رنج ءُ گم ءِ درشانی کتگ۔ قومی اسمبلی ءِ سیکرٹریٹ ءِ رد ءَ صدر ءَ طارق رحمان ءُ مرحوم خالدہ ضیاء ءِ جنک ءَ گوں آہانی گس ءَ گند ءُ نند کتگ ءُ دلپدردی ءِ درشانی کتگ ءُ گشتگ کہ پاکستان ءِ حکومت ءُ مہلوک اے غم ءُ اندوہ ءِ ساھت ءَ مئے ہمراہ انت ۔ مرحوم خالدہ ضیاء ءِ چک ءُ جنک ءَ تسلیت ءِ درشان کنگ ءُ جنازہ ءِ نماز ءَ بہر زورگ ءِ سرا اسپیکر سردار ایاز صادق ءِ منت گپت۔ اسپیکر سردار ایاز صادق ءَ بنگلہ دیش ءِ راجی سلامتی ءِ مشیر خلیل الرحمان ءَ گوں ھم گند ءُ نند کتگ ءُ پاکستان ءِ صدر ءُ مزن وزیر ءِ نیمگ ءَ ھمدردی ءُ دلپدردی ءِ کلوہ ھم داتگ۔ اسپیکر سردار ایاز صادق ءَ بنگلہ دیش ءِ کانود ءِ مشیر آصف نظرل  ءَ گوں ھم گند ءُ نند کتگ ات، ایشی ءِ تہ ءَ دوئیں نیمگ آنی نیام ءَ وت مہ وتی واھگی ءِ جیڈھ آنی سر ءَ گپ ءُ تران کنگ بوتگ ات۔