اسلام آباد۔ 13جولائی (اے پی پی) پاک فضائیہ نا سروک ایئر چیف مارشل سہیل امان پارینے کہ سلہہ بند فوج انا تین پہ تینی کمک و الس نا مخ تفی آن دہشت گردی نا برخلاف آپریشن ضرب عضب سرسہبی اٹ جاری ئِ ، پاک فضائیہ پوسکنا ازباب آتیان لیس و ہر چیلنج تون مون تننگ کن تیار ئِ ۔ او چارشنبے آ نورخان ایئر بیس آ برطانیہ ٹی ایئر شو نا وخت آ پاک فضائیہ نا سی 130 ئِ گچین ایئر کرافٹ ٹرافی تننگ آن گڈ جہاز انا معائنہ غان پد صحافی تتون ہیت وگپ کریکہ۔ اوپارے کہ برطانیہ ٹی اڈ ہلوک آ دا شواٹی پاک فضائیہ نا سی 130 نا گچین ایئر کرافٹ ٹرافی نا انعام دوئی کننگ اعزاز اسے۔ اوپارے کہ پاک فضائیہ تینا سلہہ بند فوج اتون اواری اٹ کاریم کننگ ئِ و آپریشن ضرب عضب اٹی ہم اہم کڑد ادا کرینے۔ اوپارے کہ جے ایف 17تھنڈر نا دنیا ٹی بھاز مانگ ئِ ہرادے پورو کننگ کن پاک فضائیہ تینا غٹ تر لائخی تے کاریم اٹ ہتنگ ئِ۔ اوپارے کہ سی 130 ایئر کرافٹ آ آپریشن ضرب عضب نا پرکشش رنگ آتا پینٹنگز دہشت گردی نا برخلاف قربانی تے تالان کننگ نائِ۔
