چترال ئِ ھارئِ آماچیں مردمانی سرئَ 30ٹن آرتئِ تھیلی ئِ بھرءُ بانگ
اسلام آباد۔13جولائی ( اے پی پی ) نیشنل ڈیزاسٹرمنیجمنٹ اتھارٹی ئَ چترال ئِ ھا ر ئِ آماچیں مردمانی سرئَ 30ٹن آرتئِ تھیلی بھرءُ بانگ کتگ۔ این ڈی ایم اے ئِ نیمگئَ چہ کچءُ کساسئِ تہا گشگ بوتگ کہ چترال ئِ ھارئَ 21مردم بیرانءُ 4ٹپیگ بوتگ اَنت وھدے کہ 8دگہ تاں انگت بیگواھ اَنت۔ ھاراں چہ 55لوگءُ جاھاں تاوان رسیتگ کہ ایشانی تہا 20سرجم ئَ کپتگءُ پروشتگ اَنت۔ ایشی ئَ ابید ضلعی انتظامیہ ءُ فوجی اہلکار دمگئِ تہا کمک ءُ ریسکیو آپریشن ئَ دزگٹ اَنت۔ خیبر پختونخوا ڈیزاسٹرمنیجمنٹ ئِ ادارہ پی ڈیم ایم اے دراھیں جاورھالانی سرپانکی ئَ کنگئَ اِنت۔ ایشیئَ ابید چیئرمین این ڈی ایم اے میجر جنرل اصغر نواز ئَ آماچیں دمگاں ریسکیوءُ کمک ئِ تپاسی کنگئِ ھاترئَ چترالئِ ترءُ تاب کتگ۔ آئی ئَ ھندی انتظامیہ ءُ صوبائی ادارگ آنی افسرآنی گوما ھوار دیوان ھم ھڈ کتگ۔ این ڈی ایم اے ئَ ھارئِ ھوالگئَ معلوم داری ءُ مانیٹرنگ ئِ ھاترئَ نیشنل ایمرجنسی آپریشنز سنٹر ھم جوڑ کتگ۔ ھارئِ آماچیں مردمانی کمک ئِ ھاترئَ لمبر111 157 157ءُ 051-920503ئِ سرئَ نزیکی کُت کن اَنت۔
