ڈیلاس۔13جولائی ( اے پی پی ) امریکہ ئِ صدر باراک اوباما وتی لوگی ئِ ھمراھ ڈیلاس ئَ آماچ بوتگیں 5پولیس اہلکار آنی یاتئَ ھڈ کتگیں مراگش ئَ ھوار بوتگ۔ امریکہئِ ھال رسانکی وسیلگ ئَ گشتگ کہ ریاست ٹیکساس ئَ ڈیلاس شہر ئَ آماچ بوتگیں 5پولیس اہلکار آنی یاتئَ ھڈ کتگیں دعائیہ مراگش ئِ تہا تران کتگءُ آئی ئَ گشتگ کہ پولیس مے ایر جنگئِ نہ ساڑاھگئِ ھقدار اَنت کہ وتی جانانی پروا ھئَ نہ کن اَنت ءُ مارا رکھین اَنت۔ آئی ئَ گشتگ کہ اے منّگی اِنت کہ پولیس اہلکار آنی مزنیں کساسے ایمانداری گوں ءُ ناگیگیں جاوراں ھم وتی کارئَ کن اَنت۔ صدر اوبامائَ گشتگ کہ آ پولیسئِ مزن دلی ئِ برکتئَ مرچی باز کم مردمانی گمئَ کنگئَ اَنت۔ مراگشئَ گوں پیسرگیں صدر جارج ڈبیلوبشئَ تران کتگءُ گشتگ کہ آھاں جتاھ کنوکیں زوراک یک جاھ کنوکیںزوراکاں چہ گیش بوھا ن اَنت۔ آئی ئَ اُمیت درشان کتگ کہ آ محبت ءُ مزنیں مول ءُ مرادشوھاز کنگئَ اَنت۔
