یورپی یونین ءُ پاکستان ءِ نیام ءَ یکجائی کمیشن ءِ 15می دیوان ، یورپی یونین ءُ پاکستان ءِ تہ ءَ سیاسی ءُ اقتصادی جاور ھال آنی سر ءَ چار ءُ تپاسی

برسلز ۔20دسمبر  (اے پی پی):یورپی یونین ءُ پاکستان ءِ نیام ءَ یکجائی کمیشن ءِ 15می دیوان 17دسمبر 2025ءَ برسلز ءَ برجم دارگ بوت، ایشی ءِ تہ ءَ یورپی یونین ءُ پاکستان ءِ سیاسی ءُ اقتصادی جاور ھال آنی سر ءَ چار ءُ تپاسی کنگ بوت ءُ دو نیمگی کمک، جمہوری، حکومت داری، دیمروئی، ہجرت، موسمیاتی بدلی ءُ توانائی، سائنس ءُ ٹیکنالوجی ءُ یورپی یونین ءُ پاکستان ءِ اسٹریٹجک مشغولیت ءِ منصوبہ (SEP) ءِ نفاذ ءِ سرا کار کنگ ءَ انت۔ نیمگ ءَ دمگی جاور ھال آنی سر ءَ ھم ھیال ءُ لیکہ آنی تبادلہ کنگ بوت ءُ دمگی استحکام ءِ دیمروئی ءِ واستہ یکجائی مفاد آنی سر ءَ شریکداری ءِ ارزشت ءِ سر ءَ پدا زور پر دات۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ یکم دسمبر 2025 ءَ جمہوریت، گورننس، کانود ءِ حاکمیت ءُ انسانی ھک آنی ھوالگ ءَ سب گروپ ءِ دیوان برجم دارگ بوتگ ایشی ءِ تہ ءَ پاکستانی ڈل ءِ نمائندگی ءَ دری کارانی وزارت ءُ یورپی سروس اے اے ایس ایکشن ءِ نیمگ ءَ چہ یورپی سروس اے اے ایس ایکشن ءِ نیمگ ءَ چہ ھوار بوتگ۔ دیمپانی ءَ وت مہ وتی سیادی ءُ میاں اوستمانی دیوان آنی تہ ءَ انسانی ھک آنی ھوالگ ءَ نزیکیں کمک ءِ ارزشت ءِ سر ءَ زور پر دات۔ یورپی یونین ءَ پاکستان ءَ را اقوام متحدہ ءِ انسانی حقانی کونسل ءِ باسک ءِ بستار ءَ گچین بوھگ ءِ سر ءَ مبارک بات داتگ کہ ایشی ءِ باسک آنی چہ انسانی حق آنی دیمروئی ءُ رکھینگ ءِ مستریں معیار آنی سر ءَ عمل کنگ ءِ اُمیت اِنت۔ پاکستان ءَ انسانی ھک آنی ھوالگ ءَ راجی ایکشن پلان ، کاروبار ءُ انسانی ھک آنی ھوالگ ءَ راجی ایکشن پلان ءِ سر ءَ عمل کنگ ءُ سرجمیں ملک ءَ انسانی ھک آنی دیمروئی ءُ رکھینگ ءِ ذمہ واریں راجی ادارگ آنی کارکردگی ءِ تہ ءَ پیشرفت ءِ بابت ءَ سرپدی دات۔ یورپی یونین ءَ پاکستان ءِ دراھیں انسانی ھک ءُ بنیاتی آجوئیانی برجائی ءِ جھد ءِ حمایت کنگ ءِ وتی جزم ءِ پدا پدر کتگ کہ ایشی ءِ تہ ءَ زالبول ءُ زھگ ، اقلیت ، کارگر ءُ مہاجرین ءِ ھک ھوار اَنت ، ھاسیں رنگ ءَ اظہار ءُ رائے ءِ آجوئی ءُ ردیں ھال ءُ اھوال ءِ گیش بوھوکیں جیڑھ ھوار اَنت۔ فریق آناں جی ایس پی پلس فریم ورک ءِ چیر دستی ءَ لوٹوکیں 27 میاں اوستمانی کنونشنز آنی سر ءَ عمل درآمد ءِ تہ ءَ پاکستان ءِ پیشرفت ءِ سر ءَ ھم چار ءُ تپاسی کت۔ یورپی یونین ءَ موت ءِ سزا ءِ سر ءَ عمل درآمد ءَ را میاں اوستمانی معیار ءِ گوما یکجا کنگ ءِ تہ ءَ پاکستان ءِ پیشرفت ءَ را وش اتک کت ءُ اے درگت ءَ گیش گامگیج آنی واستہ دلبڈی دات۔ زوراکی ءِ ھلاپ ءَ بنداتی گامگیج ءُ اقلیتانی کمیشن ءِ جوڑ کنگ ءِ ھم ستا کنگ بوت۔ آیوکیں جی ایس پی + نگرانی رپورٹ ءِ رد ءَ کسانیں مدتی گامگیج ءُ میان استمانی ءُ دراجیں مدتی اصلاحات ءِ ضلورت ءِ سر ءَ زور دیگ بوتگ۔ اے موہ ءِ سر ءَ گپ ءُ تران ءُ رسانکدر ءِ آجوئی، زوراکی ءَ بیگواہ کنگ، عدلیہ ءِ آجوئی، مذھب یا عقیدہ ءِ آجوئی ءِ ھک، اسلام دژمنیں نفرت، اقلیت ءُ نزوریں گلانی ھک ءِ سر ءَ گپ ءُ تران بوت۔ فریقین ءَ موزوں حفاظتی گامگیج ءُ برجاھیں گپ ءُ تران ءِ سرا زور پر دات۔ گپ ءُ تران ءِ تہ ءَ لیبر انسپکشن سسٹم ءِ مھکم کنگ، کم چہ کم اجرت ءِ سر ءَ عمل کنگ ءُ لیبر مارکیٹ ءَ زالبول آنی موہ آناں گیش کنگ ءِ سر ءَ دلگوشی دیگ بوتگ ءُ ھمے وھد ءَ ٹریڈ یونین آنی تہ ءَ کارکن آنی کم بھر زوری ءِ سر ءَ یورپی یونین ءِ جیڈھ آنی گیواری ءِ واستہ منظم گامگیج آنی ضلورت ءِ سر ءَ تپاک کنگ بوتگ۔ یورپی یونین پاکستان ءِ دومی مزنیں تجارتی شریک ءُ جی ایس پی پلس ءِ پاکستان ءِ مزنیں فائدہ مند انت ایشی ءَ چہ دو نیمگی تجارتی ءَ مزنیں کساسے ءَ گیشی بوتگ۔ دسمبر 2025 ءَ تجارت ءِ بابت ءَ ذیلی گل ءِ گند ءُ نند بوتگ ات، ایشی ءِ تہ ءَ پاکستانی ڈل ءِ نمائندگی ءَ وزارت تجارت ءُ یورپی یونین ءَ یورپی کمیشن ءِ ڈائریکٹوریٹ جنرل برائے تجارت ءَ کتگ ات۔ دوئیں نیمگ ءَ یک مھکمیں کثیر جہتی تجارتی نظام ءِ ارزشت ءِ منگ بوتگ۔ دو نیمگی تجارت، مارکیٹ ءِ رسائی ءِ جیڈھ، ءُ جی ایس پی پلس ءِ سر ءَ عمل درآمد ءَ ھوار بازیں جیڈھ آنی سر ءَ سرجمیں رنگ ءَ گپ ءُ تران کنگ بوت۔ نومبر ءَ بگر داں 3 دسمبر 2025 ءَ جی ایس پی پلس ءِ نگرانی مشن ءِ سر ءَ ھم گپ ءُ تران کنگ بوت، آیوکیں رپورٹ ءُ نوکیں جی ایس پی ریگولیشن ءِ چیر دستی ءَ دوبر درخواست ءِ سر ءَ ھم گپ ءُ تران کنگ بوت۔ فریقین ءَ کاروباری چاگرد ءَ را گہتر کنگ ءِ ضلورت ءِ سر ءَ زور پر دات ءُ 28-29 اپریل 2026 ءَ اسلام آباد ءَ برجم دارگ بوتگیں مزنیں تک ءِ یورپی یونین ءُ پاکستان کاروباری فورم ءَ اے پیشرفت ءَ را دیم ءَ برگ ءِ وتی جزم ءِ درشانی کت۔ یورپی یونین ءِ نمائندگی یورپی کمیشن ءِ ڈائریکٹوریٹ جنرل برائے بین الاقوامی شراکت داری ءِ نیمگ ءَ کنگ بوتگ۔ فریق آنی تہ ءَ شمولیت ءِ دیمروئی، انسانی سرمایہ / تکنیکی ءُ پیشہ وارانہ وانگ ءُ زانگ ءُ تربیت (ٹی وی ای ٹی) ءُ حکومت داری ءِ اولویت ءِ سر ءَ تپاک کنگ بوتگ، ایشی ءِ تہ ءَ کانود ءِ حاکمیت ءُ انسانی ھک ھوار اَنت کہ اے حکومت پاکستان ءِ راجی دیمروئی ءِ ایجنڈا ءِ رد ءَ اَنت۔ پاکستان ءَ موسمی بدلی ءِ واستہ یورپی یونین ءِ برجاھیں کمک ءِ توسیپ کت۔ یورپی یونین ءَ 2025-2027 ءِ روڈ میپ ءُ گلوبل گیٹ وے ءِ حکمت عملی ءِ بابت ءَ سرپدی داتگ۔ مشترکہ کمیشن ءِ ساھت ءَ یورپی سرمایہ کاری بینک ءَ 2015ءَ چہ پاکستان ءِ آپی شوبگ ءَ وتی اولی کریڈٹ فنانسنگ ءِ سر ءَ دستخط کتگ۔یکجائی دیوان ءَ گوستگیں شش سال آنی تہ ءَ بوتگیں پیشرفت آنی سر ءَ چار ءُ تپاسی کنگ بوتگ ءُ 2019ءِ یورپی یونین ءُ پاکستان ءِ اسٹریٹجک منصوبگ ءِ سر ءَ وتی جزم ءِ پدا پدر کنگ بوتگ۔ نومبر 2025 ءَ برسلز ءَ 7می اسٹریٹجک گپ ءُ تران ءَ ھوار مزنیں تک ءِ ھوار بوھگ ءِ ترندی ءِ وش آتک کنگ ءَ یورپی یونین ءِ مزنیں نمائندہ / نائب صدر کاجا کالاس ءُ پاکستان ءِ نائب مزن وزیر ءُ درئی کارانی وزیر سینیٹر درشا محمدسی ءِ شریکیں سروکی ءَ کنگ ءَ انت۔ نقل و حرکت، واپسی ءُ دوبر داخلہ، بے قاعدہ ہجرت ءُ انسانی سوداگری ءِ گر ءُ دار، ٹیلنٹ پارٹنر شپ روڈ میپ ءُ اوگان پناہ گزین آنی ھوالگ ءَ جیڈھ آنی سر ءَ ھم گپ ءُ تران کنگ بوت۔ ما پاکستان ءِ توسیپ ءَ کنیں کہ آئی ءَ دہائیاں چہ لاکھوں اوگان شہری آنی میزبانی کتگ۔گوشگ بوت کہ واپسی ایمن، باوقار ءُ میاں اوستمانی معیار ءِ رد ءَ بہ بیت۔ غزہ ءِ جیڈھ ءِ ھلاسی ءِ ھاتر ءَ سرجمیں منصوبگ، دو ریاستی گیواری، یوکرین ءَ جاری جنگ، جموں ءُ کشمیر ءِ جیڈھ، سندھ آپانی معاہدہ، اوگانستان ءِ جاور ھال، ناشرکاری ءُ منشیات ءِ ھلاپ ءَ کمک ءِ سر ءَ گپ ءُ تران کنگ بوت۔ توامیں جیڈھ آنی پرامن گیواری ءُ اقوام متحدہ ءِ منشور ءِ رد ءَ میاں اوستمانی کانود ءِ سر ءَ عمل کنگ ءِ سر ءَ زور پر دیگ بوت۔ مشترکہ کمیشن ءِ سروک پاکستان ءِ وزارت اقتصادی امور ءِ سیکرٹری محمد حامیر کریم ءُ ایشیا ءُ پیسفک ءِ یورپی دری کارروائی سروس ءِ قائم مقام منیجنگ ڈائریکٹر پاؤلا پمپالونی ءَ کتگ۔ دیم ءِ دیوان ءَ 2026 ءَ اسلام آباد ءَ برجم دارگ ءِ تپاک کنگ بوت۔