اسکول ءِ تک ءَ کرکٹ ءِ دیمروئی ءَ چہ آیوکیں راجی ہیرو محسن نقوی پیداک بنت

لاہور۔20دسمبر  (اے پی پی):پاکستان کرکٹ بورڈ ءِ چیئرمین محسن نقوی ءَ گشتگ اسکول ءِ تک ءَ کرکٹ ءِ دیمروئی ءِ سرا حاصیں دلگوشی دیگ بوہگ ءَ انت ءُ اے کھڈکار دیما رونت ءُ سرجمیں دگنیا ءَ پاکستان ءَ نامدار کن انت۔ اے ھیالانی درشانی آئی ءَ قذافی اسٹیڈیم ءَ غنی اسکول ٹورنامنٹ ءِ گڈی میچ ءَ پد میڈیا ءَ گوں تران کنان ءَ کت۔ محسن نقوی ءَ گوشت کہ غنی انسٹی ٹیوٹ آف کرکٹ ءَ اسکول کرکٹ ءِ دیمروئی ءِ واستہ پی سی بی ءِ گوما سرجمی ءَ کمک کتگ، اے ستا کرز انت۔ آئی ءَ کرکٹ ءِ دیمروئی ءِ واستہ بیکن ہاؤس ءَ را 5ملین ءُ ایچیسن کالج ءَ را 2.5ملین کلدار دیگ ءِ جار جتگ۔ پی سی بی بیکن ہاؤس ءُ ایچیسن کالج ءَ کنسرٹ ءِ بندوبست کنت۔ چیئرمین پی سی بی ءَ فائنل ءِ سوبمندی ءِ سر ءَ بیکن ہاؤس ءِ ٹیم ءَ را ٹرافی دات ءُ کھڈکار آناں مبارک بات دات۔ آئی ءَ دوئیں ٹیم ءِ لیب کنوکاں گوں ھم گند ءُ نند کتگ ءُ دلبڈی داتگ۔ اے موہ ءِ سر ءَ صوبائی وزیر اسپورٹس فیصل خوخار، چیف سیکرٹری پنجاب زاہد اختر زمان ءُ انور احمد غنی ءَ ھم لیب کنوک آنی نیام ءَ انعام بھر ءُ بانگ کت۔