ڈان میڈیا گروپ ءَ گوستگیں 13ماہ ءِ تہ ءَ 860ملین کلدار ءِ اشتہار رستگ، اھوالکاری ءِ وزیر

اسلام آباد۔20دسمبر  (اے پی پی):وفاقی وزیر ءِ اھوالکاری ءُ نشریات عطا اللہ تارڑ ءَ گوشت کہ گوستگیں 13ماہ ءِ تہ ءَ ڈان میڈیا گروپ ءَ را وفاقی ءُ صوبائی حکومت ءِ نیمگ ءَ چہ 860 ملین کلدار ءِ کساس ءَ اشتہار رستگ۔ شمبے ءِ روچ ءَ میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ اے جیڈھ ریکارڈ ءِ سر ءَ اِنت ایشی ءِ ھوالگ ءَ سرجمیں ھال شیئر کنگ بوت کن اَنت۔ سرکاری اشتہار آنی بھر ءُ بانگ ءِ بابت ءَ گپ ءُ تران کنان ءَ وفاقی وزیر ءِ اھوالکاری ءَ گوشت کہ لھتیں میڈیا ادارگ آناں دگہ ادارگ آنی ھساب ءَ گیش اشتہار رس ایت، البت میڈیا ھاوس آنی واستہ المی اِنت کہ آ کارپوریٹ گورننس ءُ مالیاتی وت واجہی ءَ را اولیت بہ دنت۔ میڈیا ہاؤسز ءِ وتی پائیداریں ماڈل بہ بیت۔ اے ھچ وڑیں میڈیا گروپ ءِ ھاترا ممکن نہ اِنت کہ آ سرجم ءَ سرکاری اشتہارانی سر ءَ انحصار بہ کنت۔ وفاقی وزیر ءَ گوشت کہ ڈان میڈیا یک مزنیں گلے، گوستگیں 13ماہ آنی تہ ءَ 860 ملین کلدار ءِ اشتہار ءِ رسگ ءَ ابید ھم کارمند آناں برطرف کنگ بوھگ ءَ اِنت، اے ایشانی اندری جیڈھ اِنت۔ وفاقی وزیر اطلاعات ءَ اے گپ ءِ پدرائی کت کہ سرکاری اشتہار ءِ شنگ کنگ ءِ گل ءِ سر ءَ ھچ وڑیں بندش نیست ءُ انگت ءَ بازیں مہم برجاہ انت۔