وفاقی وزیر تجارت ءِ وزارت ءِ اولی پوڈ کاسٹ سیریز ءِ بندات کتگ، ایشی ءِ مول ءُ مراد زانت ءِ فرق ءَ را گیش کنگ ءُ باغباناں بااختیار کنگ اِنت، جام کمال خان

اسلام آباد۔20دسمبر  (اے پی پی): وفاقی وزیر برائے تجارت جان کمال خان ءَ کشت ءُ کشاری ءِ شوبگ ءَ ھاسیں رنگ ءَ باغبانی ءِ تہ ءَ ڈیجیٹل نوآبادیاتی ءُ زانت ءِ دیمروئی ءِ ھاترا مزنیں گامگیج ءِ رنگ ءَ پاکستان باغبانی ءِ دیمروئی ءُ برآمداتی کمپنی ءِ اولی پوڈ کاسٹ سیریز ءِ بندات کت۔ وزارت تجارت ءِ نیمگ ءَ چہ جاڑی بوتگیں بیان ءِ رد ءَ اے وزارت تجارت ءِ چیر دستی ءَ اولی پوڈ کاسٹ ءِ گامگیج اِنت ایشی ءِ مول ءُ مراد پاکستان ءِ باغبانی ءِ شوبگ ءَ سرپدی ءَ را گیش کنگ، جوانیں کار آنی بھر ءُ بانگ ءُ پائیدار دیمروئی ءَ را دیم ءَ برگ اِنت۔ باغبانی ءِ سرھال ءِ چیر دستی ءَ بندات بوتگیں اے پوڈ کاسٹ کشت ءُ کشاری، برآمد کنوک، پٹ ءُ پولکار ءُ پالیسی سازاں ھوار درستیں سٹیک ہولڈر آنی واستہ یک موثریں پلیٹ فارم ءِ ثابت بیت۔ ایشی ءِ تہ ءَ پائیدار کاشتکاری، برآمداتی حکمت عملی، قدر ءِ گیشی، کٹائی ءَ پد تاوان ءِ کمی ءُ موسمیاتی بدلی ءِ اثرات ءِ وڑیں کلیدی سرھال آنی سر ءَ گہتری ءَ گپ ءُ تران کنگ بیت۔ ایشی ءَ ابید زرعی ملکانی سروکیں میاں اوستمانی ماہرین ءَ را مہمان ءِ رنگ ءَ دعوت دیگ بیت کہ آ عالمی تجربگ ءُ نوکیں حل پیش بہ کن انت کہ ایشی ءَ چہ مواد گیش جامع ءُ موثر جوڑ بیت۔ ٹریڈ ڈویلپمنٹ اتھارٹی ءِ چیر دستی ءَ سیکشن 42 ءِ کمپنی ءِ رنگ ءَ جوڑ بوتگیں پی ایچ ڈی ای سی باغبانی ءِ دیمروئی ءُ برآمدات ءِ دیمروئی ءِ تہ ءَ مستریں کرد پیلو کنگ ءَ اِنت۔ اے گل ءِ ھاسیں سوبمندی ءِ تہ ءَ میوہ ءِ آپ ءِ کمی ءِ یونٹ جوڑ کنگ، ایران ءَ کیلے ءِ برآمد کنگ ءِ آسراتی، یک میلیون ءَ چہ گیش آم ءُ کیلے ءِ کیسگ ءِ بھر ءُ بانگ ءُ سرجمیں ملک ءَ 100 ءَ چہ گیش تربیتی ورکشاپ ءِ برجم دارگ ھوار اَنت۔ اے پوڈ کاسٹ ڈیجیٹل میڈیا ءِ وسیلگ ءَ موسمیاتی سمارٹ ءِ وڑ ءُ پیم، موثر آبپاشی، ءُ عالمی معیار ءُ ایچ اے سی سی پی ءِ رد ءَ عمل کنگ ءِ وڑیں جوانیں رھبندانی شنگ ءُ تالان کنگ ءِ کوشست آنی برجاہ اِنت۔ وزارت تجارت اے شوبگ ءِ کمک ءِ واستہ نوکیں گامگیج آناں اولیت دیگ ءَ اِنت، ایشی ءِ تہ ءَ ای کامرس ءِ دیمروئی، یورپی یونین ءُ میاں اوستمانی وڑیں پریمیم دمگ آنی تہ ءَ مارکیٹ ءِ رسائی ءُ ایف اے او ءَ ھوار میاں اوستمانی گل آنی گوما کمک ھوار اِنت۔ پوڈ کاسٹ ءِ ٹکّر مزنیں اسٹریمنگ پلیٹ فارمز ءِ سر ءَ دستیاب بنت ، اولی ٹکّر ءَ آم ، ھشکیں ، ءُ آلو ءِ وڑیں کلیدی فصلانی پیداوار ءَ گیش کنگ ءِ سر ءَ گپ ءُ تران کنگ بیت ۔ چین ءَ چیری ءِ برآمد ءُ شمسی توانائی ءِ کمی ءِ یونٹ ءِ وڑیں سوبمندیں منصوبگ آنی سر ءَ کار کنگ ءَ اے پلیٹ فارم ءَ را آیوکیں سئے سال آنی تہ ءَ گیش کنگ بیت۔ اے گامگیج ءَ چہ باغبانی ءِ برآمدات ءَ را 2ارب ڈالر ءَ سر کنگ ءِ ٹارگٹ ءِ سرجمی ءَ را ترند کنگ بیت۔ اے گامگیج حکومت ءِ وژن ءِ ھم پدر کنت کہ آ وفاقی ءُ صوبائی حکومت، نجی شعبہ ءُ کشت ءُ کشاری ءِ نیام ءَ یکجائی کوشست ءِ وسیلگ ءَ پاکستان ءِ بھر ءُ بانگ ءَ را جھان ءِ میوہ ءُ سبزی ءِ مارکیٹ ءَ گیش کنگ ءِ گمان اِنت کہ 2034ءَ تاں 388ارب ڈالر ءَ سر بوھگ ءِ گمان اِنت۔ وزارت تجارت ءِ ہیڈ کوارٹر ءَ برجم داشتگیں افتتاحی مراگش ءَ گوں تران کنان ءَ وزیر تجارت جام کمال خان ءَ علم ءِ فرق ءَ را گیش کنگ ءُ پوڈ کاسٹ ءِ وسیلگ ءَ باغبانی ءِ کمیونٹی ءَ را بااختیار جوڑ کنگ ءِ سر ءَ زور پر دات۔ آئی ءَ گوشت کہ اے پوڈ کاسٹ وزارت تجارت ءِ ڈیجیٹل دور ءِ لوٹ آنی گوما ھمگرنچیں نوکیں حکمت عملی ءِ زورگ ءِ عزم ءِ درشان اِنت۔ ڈیجیٹل رنگ ءَ کسانیں کشت ءُ کشاری ءَ بگر داں میاں اوستمانی شریکاں درستیں سٹیک ہولڈراں گوں ہمگرنچ کنگ ءَ ما پاکستان ءِ باغبانی ءِ شوبگ ءَ را یک گلوبل ایکسپورٹ فورس ءِ تہا وانندہ کنگ، الہام دیگ ءُ بدل کنگ لوٹیں ۔