اقتصادی برجائی ءُ سرکاری ازمت ءِ پجاری ءِ گہتری ءِ واستہ ورلڈ بینک ءَ پاکستان ءِ واستہ 700 ملین ڈالر ءِ منظوری داتگ

اسلام آباد۔20دسمبر  (اے پی پی): ورلڈ بینک ءِ بورڈ آف ایگزیکٹو ڈائریکٹرز ءَ پاکستان ءَ را 700ملین ڈالر ءِ مالی کمک ءِ منظوری داتگ۔ اے فنڈنگ ​​پاکستان سرکاری وسیلگ برائے شمولیت ءِ دیمروئی ءِ کثیر مرحلہ ءِ پروگرامی نقطہ نظر (پرائیڈ-ایم پی اے) ءِ چیر دستی ءَ دیگ بیت، ایشی ءِ مول ءُ مراد اقتصادی استحکام ءُ سرکاری ازمت ءِ پجارینگ ءَ را گہتر کنگ اِنت۔ بینک ءِ نیمگ ءَ چہ جاڑی بوتگیں بیان ءِ رد ءَ پی آر آئی ڈی ایم پی اے یک نوکیں راجی پروگرام اِنت کہ ایشی ءَ چہ ملکی آمدنی ءَ را گیش کنگ، ھرچ ءُ درچ ءِ کوالٹی ءَ را گہتر کنگ ءُ ڈیٹا ءُ ڈیجیٹل ٹولز ءِ وسیلگ ءَ موثر سروس ڈیلیوری ءِ وسیلگ ءَ وفاقی ءُ صوبائی تک ءَ اصلاحات ءِ کمک کنگ بیت۔ اے پروگرام جاری مالیاتی اصلاحات ءِ تکمیل ءِ واستہ جوڑ کنگ بوتگ ءُ آئی ایم ایف ءِ توسیعی فنڈ سہولت (ای ایف ایف) پروگرام ءُ راجی مالیاتی پیکج ءِ رد ءَ انت۔ کل ءَ اے ایم پی اے ءِ چیر دستی ءَ 1.35ارب ڈالر ءَ تاں مالی کمک دیگ بیت۔ ایشی ءِ تہ ءَ 600ملین ڈالر وفاقی پروگرام آنی واستہ منظوری دیگ بوتگ وھدیکہ 100ملین ڈالر سندھ ءَ صوبائی پروگرام ءِ واستہ ھاسیں رنگ ءَ منظور کنگ بوتگ۔ پروگرام ءِ آسر ءِ سرا مبنی ڈیزائن اے گپ ءَ پدر کنت کہ فنڈز ھما وھد ءَ شنگ کنگ بنت کہ ٹاک بوتگیں مول ءُ مراد سرجم بہ بنت۔ پاکستان ءِ واستہ ورلڈ بینک ءِ کنٹری ڈائریکٹر بولورما امگابازار ءَ گوشت کہ پاکستان ءَ ھواریں ءُ برجمیں دیمروئی ءِ واستہ ملکی وسیلگ آنی تہ ءَ گیشی ءُ ایشانی شفاف ءُ موثر کارمردی ءَ را دل یکیمی کنگ المی اِنت۔ اے پروگرام ءِ وسیلگ ءَ وفاقی ءُ سندھ حکومت یکجائی ءَ اسکول ءُ جان سلامتی ءِ مراگش آنی واستہ پیش گوئی ءِ رد ءَ فنڈنگ، منصفانہ ٹیکس ءِ نظام ءُ پیسلہ کنگ ءِ واستہ مھکمیں ڈیٹا ءَ را دل یکیمی کنگ ءِ واستہ کار کن اَنت ءُ ھمے وھد ءَ چاگردی ءُ موسمیاتی اولویت آنی رکھینگ ءِ واستہ ھم کار کن اَنت۔ وفاقی جزو منصفانہ انداز ءَ آمدنی ءَ را گیش کنگ، بجٹ ءِ منصوبہ بندی ءُ عمل درآمد ءَ را گہتر کنگ ءُ ثبوت ءِ سرا مبنی پیسلہ آنی واستہ ڈیٹا سسٹم ءَ را مھکم کنگ ءِ سر ءَ دلگوشی دنت۔ کلیدی گامگیج آنی تہ ءَ ٹیکس پالیشی ءُ انتظامی اصلاحات، یکجاھیں مالیاتی انتظامی انفارمیشن سسٹم ءُ ایشی ءَ گوں ھمگرنچیں ای پروکیورمنٹ پلیٹ فارم ءِ تہ ءَ گیشی، ھدف مندیں سبسڈی ءِ اصلاحات، ءُ راجی شماریاتی نظام ءِ مھکم کنگ ھوار اِنت، ایشی ءِ سروکی ءَ پاکستان شماریات ءِ ادارہ اِنت۔ ورلڈ بینک ءِ لیڈ کنٹری اکانومسٹ ٹوبیاس اختر حق ءِ رد ءَ پاکستان ءِ مالیاتی بنیات آناں مھکم کنگ اقتصادی استحکام، موثر آسر ءُ ادارگی گہتری ءِ واستہ المی اِنت۔ PRID-MPA یک منسجمیں راجی فریم ورک ءِ دیم ءَ آرگ ءَ اِنت کہ انسانی وسیلگ ءُ موسمیاتی تابکاری، آمدنی ءِ نظام، بجٹ ءِ نفاذ، ءُ شماریاتی نظام ءِ تہ ءَ سرمایہ کاری ءَ را مھکم کنت تانکہ وسیلگ یک موثر ءُ احتساب ءِ رنگ ءَ راج ءَ سر بہ بنت۔ سندھ ءَ اے پروگرام ءَ چہ صوبائی آمدنی ءَ را گیش کنگ، ادائیگی ءِ رفتار ءُ شفافیت ءَ را گہتر کنگ ءُ پیسلہ کنگ ءِ تہ ءَ ڈیٹا ءِ کارمردی ءَ را گیش کنگ ءَ کمک رسیت۔ اے چہ بنجاہی جان سلامتی ءِ مراگش آنی واستہ گیش منصفانہ ءُ احتساب ءِ مالی کمک ءُ اسکول آنی واستہ گیشیں منابع ءِ وسیلگ ءَ رسگ ءَ انت کہ ایشی ءَ چہ استان ءِ تہ ءَ شمولیت ءِ دیمروئی ءَ را مھکم کنگ بیت۔