وفاقی داخلہ ءِ وزیر محسن نقوی ءَ مارگلا انکلیو ءِ منصوبہ ءِ تر ءُ تاب کتگ ءُ دیمروئی ءِ کارانی سرا چار ءُ تپاسی

اسلام آباد۔20دسمبر  (اے پی پی): وفاقی تہی کارانی وزیر محسن نقوی ءَ شمبے ءِ روچ ءَ مارگلا انکلیو منصوبگ ءِ تر ءُ تاب کتگ ءُ سائٹ ءِ سر ءَ برجاھیں دیمروئی کار آنی سر ءَ سرجمیں رنگ ءَ چار ءُ تپاسی کتگ۔ وزیر داخلہ ءَ گوشت کہ دیمروئی کار آنی رفتار ءَ را گیش تیز کنگ بیت، منصوبگ ءِ زوت سرجم کنگ ءِ واستہ ھمک دستیں وسیلگ آناں کارمرد کنگ بوھگ ءَ انت۔ آئی ءَ گوشت کہ اے منصوبگ ءَ چہ شہری آنی واستہ جوانیں جاہ ءِ گوما جدید ءُ کوالٹی ءِ آسراتی رس ایت ءُ پوزیشن انشاء اللہ فروری ءَ دیئگ بیت۔ وزیر داخلہ ءَ ھور ءِ سبب ءَ کار ءِ تہ ءَ دیر کنگ ءِ گپ ءِ ذکر کت ءُ گوشت کہ اے دیر ءَ کار ءِ نیرو ءِ گیش کنگ ءَ چہ گیش ءُ گیوار کنگ بوھگ ءَ انت۔ اے موہ ءِ سر ءَ سی ڈی اے ءِ چیئرمین محمد علی رندھوا ءُ پروجیکٹ ڈائریکٹر ءَ دیمروئی کار آنی ھوالگ ءَ بریفنگ دات۔ ڈپٹی کمشنر اسلام آباد، ایڈیشنل ڈپٹی کمشنر جنرل، سی ڈی اے ءِ باسک ءُ دگہ سیادی داروکیں کارندہ ھم ھوار اتنت۔