پاکستان ءَ تاجکستان ءِ سفیر ءَ نائب مزن وزیر اسحاق ڈار ءَ گوں گند ءُ نند کت

اسلام آباد۔20دسمبر  (اے پی پی): پاکستان ءَ تاجکستان ءِ سفیر شریف زادہ یوسف توہیر ءَ شمبے ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ رد ءَ تاجک سفیر ءَ پاکستان ءَ اولی تاجک دود ءُ ربیدگ ءِ ھپتگ ءِ برجم دارگ ءَ کمک ءِ سر ءَ نائب مزن وزیر ءِ شگر ءُ منت گپت۔ تاجکستان ءِ گوما پاکستان ءِ کثیر جہتی دو نیمگی سیادی آناں گیش کنگ ءِ پاکستان ءِ مھکمیں واھشت ءِ درشان کنان ءَ نائب مزن وزیر ءَ گوشت کہ 2026ءَ تاجکستان ءِ گوما بازیں مزن تک ءِ رابطہ آنی ودار ءَ آں۔ آئی ءَ پاکستان تاجکستان دو نیمگی تجارت ءَ را 500 ملین امریکی ڈالر ءَ تاں ودینگ ءِ واستہ ءَ دوئیں ملک آنی جندی شوبگ آنی نیام ءَ نزیکی آناں دیمروئی دیگ  ءِ  ضلورت ءِ سر ءَ زور پر دات۔