بانی پی ٹی آئی   ءَ  دگہ جیل ءَ دیم دیگ نہ بوھگ ءَ اِنت،  رانا ثنا ء اللہ

چنیوٹ۔ 20 دسمبر (اے پی پی): پاکستان ءِ مزن وزیر ءِ سیاسی کارانی بابت ءَ مشیر رانا ثناء اللہ ءَ پیپلز پارٹی ءِ مرکزی پنجاب ءِ جنرل سیکرٹری سید حسن مرتضی ءِ پت ءِ بیرانی ءِ پد ءَ دلپدردی ءِ درشان کنگ ءِ واستہ چنیوٹ ءَ ریوا سادات ءَ سر بوتگ ۔ آئی ءَ مرگ ءِ برز ءُ کھول ءِ واستہ صبر ءُ اوپار ءِ دعا کتگ۔ رسانکدر ءَ گوں تران کنان ءَ رانا ثنا اللہ ءَ گوشت کہ ڈی آر سی (تنازعہ ءِ گیواری کونسل) ءِ کانود ءِ رد ءَ پیسر ءَ ڈپٹی کمشنر یا اسسٹنٹ کمشنر ءَ را دوئیں فریق آنی نیام ءَ جیڑھ ءِ پیسلہ کنگ ءِ اختیار دیگ بوتگ بلے اے درگت ءَ السی شکایت دیم ءَ اتکگ کہ ایشی ءِ سر ءَ اے کانود پیش کنگ بوتگ۔ پد ءَ سپریم کورٹ ءَ اے کانود ءِ سر ءَ وتی فیصلہ دیگ ءِ وھد ءَ ڈویژنل لیول ءَ ٹربیونل جوڑ کنگ ءِ ہدایت کتگ کہ آیوکیں دو سئے روچ ءَ جوڑ کنگ بنت۔ تحریک انصاف ءِ بانی ءِ بابت ءَ گپ جنان ءَ رانا ثنا اللہ ءَ اے گپ ءِ پدر کنگ ءَ گشتگ کہ تحریک انصاف ءِ بانی ءَ را دگہ جیل ءَ ٹرانسفر کنگ نہ بوھگ ءَ انت۔ آئی ءَ گوشت کہ اگاں ایوک ءَ آئی ءِ گوما گند ءُ نند کنگ بہ بیت گڑا سرکار ءِ ھچ اعتراض نیست، البت جیل ءِ کانود ءَ آشوب ءُ آشوب ءِ موہ نیست۔ اگاں اے رواج برجاہ بہ بیت گڈا اے درگت ءَ گیشتر جیڑگ بیت۔ رانا ثنا اللہ ءَ پی ٹی آئی ءِ بُن ھشت ایر کنوک ءِ سر ءَ سکیں ایراد گرگ ءِ وھد ءَ گْوشتگ کہ ھما مردم کہ مدام دگراں دز ءُ ڈنگ گْوشگ ءَ اِنت، آئی ءَ وت دزے ثابت کتگ۔ آئی ءَ گشتگ کہ خان ءَ را سوگات ءِ رنگ ءَ داتگیں ارزشت داریں گھڑیال دگہ ملکاں چہ برآمد کنگ بوتگ انت ءُ رند ءَ اے گپ پدر بوتگ کہ اے سوگات بہا کنگ بوتگ انت۔ آئی ءَ گوشت کہ 2018 ءَ آر ٹی ایس ءِ جوڑ کنگ ءَ نوکیں منصوبگ آرگ بوتگ وھدیکہ 2017ءَ تاں ڈالر، پٹرول ءُ ایندگر المی سامان آنی بہا نارمل بوتگ اَنت۔ رانا ثنا اللہ ءِ رد ءَ پی ٹی آئی ءِ ردیں پالیسی آنی سبب ءَ پاکستان آئی ایم ایف ءِ پروگرام ءَ روگی بوتگ کہ ایشی ءِ سبب ءَ سرکار سبسڈی دیگ ءَ بے سوب اِنت۔ بلے آئی ءَ دل یکیمی داتگ کہ آئی ایم ایف ءِ پروگرام ھلاس بوھگ ءَ پد مزن وزیر الس ءَ را ریلیف دنت۔