مزن وزیر شہباز شریف ءِ سروکی ءَ انسانی دزگیری ءُ درملک ءَ ناجائزیں تر ءُ تاب ءِ ھلاسی ءِ گامگیج آنی ھوالگ ءَ چار ءُ تپاسی دیوان ءِ سروکی

لاہور ۔20دسمبر  (اے پی پی):مزن وزیر محمد شہباز شریف ءَ انسانی سوداگری ءِ ھلاسی ءِ واستہ سیادی داروکیں ادارگ آنی کوشست آناں ساڑاتگ ءُ گوشت کہ ناجائزیں رنگ ءَ درملک ءَ روگ ءُ مشکوکیں سفری دستاویز آنی واھند آنی ھلاپ ءَ کارروائی کنگ ءَ ھاسیں دلگوشی دیگ بہ بیت تانکہ مسافر آنی سر ءَ جائزیں سفری دستاویزات ءِ رد ءَ کارروائی کنگ بہ بیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ انسانی سوداگری ءِ ھلاسی ءُ درملک ءَ ناجائزیں سفر ءِ ھلاسی ءِ گامگیج آنی ھوالگ ءَ چار ءُ تپاسی دیوان برجم دارگ بوت۔ گند ءُ نند ءَ وفاقی وزیر داخلہ محسن نقوی، وفاقی وزیر کانود ءُ انصاف اعظم نظیر تارڑ، وفاقی وزیر اقتصادی امور احد خان چیما، وفاقی وزیر اطلاعات ءُ نشریات عطا اللہ تارڑ، وزیر داخلہ طلال چوہدری ءُ مزنیں حکومتی کارندہ کنسر ءَ بہر زرتگ ات۔ مزن وزیر ءَ انسانی دزگیری ءِ ھلاسی ءِ واستہ سیادی داروکیں ادارگ آنی کوشست آناں ساڑات۔ آئی ءَ گوشت کہ درملک ءَ روگ ءَ مسافر آناں آف لوڈ کنگ ءِ ھوالگ ءَ گوستگیں رپورٹ ءُ شکایت آنی سر ءَ وفاقی وزیر داخلہ ءَ وت بالی پٹ آنی تر ءُ تاب کتگ ءُ جاور ھال آنی سر ءَ چار ءُ تپاسی کتگ کہ اے سک باز ستا کرزیں گپ اِنت۔ مزن وزیر ءَ ہدایت کت کہ غیر کانودی رنگ ءَ درملک ءَ روگ ءُ مشکوکیں ٹریول دستاویزات ءِ واھند آنی ھلاپ ءَ کارروائی کنگ ءَ ھاسیں دلگوشی دیگ بہ بیت تانکہ جائزیں ٹریول دستاویزات ءِ واھندیں مسافر آناں تاوان مہ رسیت۔ آئی ءَ ہدایت کت کہ مہاجرین ءِ حفاظت ءِ کارکردگی ءَ را گیش گہتر کنگ ءُ وفاقی پٹ ءُ پولی ادارگ ءُ ایندگر سیادی داروکیں ادارگ آنی گوما ہمگرنچی ءَ را گیش گہتر کنگ بہ بیت تانکہ قانونی رنگ ءَ کار ءِ واستہ درملک ءَ روگ ءَ آں وتی سفر ءِ وھد ءَ ہچ وڑیں رکاوٹ ءِ آماچ مہ بنت۔ آئی ءَ گوشت کہ امیگریشن ءِ نظام ءَ را گہتر کنگ ءِ واستہ ٹیکنالوجی ءَ را سرجمی ءَ کارمردی وھد ءِ ضلورت انت۔ آئی ءَ کرپٹیں عناصر ءِ ھلاپ ءَ سکیں کارروائی کنگ ءِ ھم ہدایت کتگ۔ دیوان ءَ غیر کانودی رنگ ءَ درملک ءَ روگ ءِ ھوالگ ءَ کتگیں کارروائی ءُ گامگیج آنی ھوالگ ءَ سرپد کنگ بوت۔ دیوان ءَ چہ سرپد کنگ بوت کہ ایف آئی اے ءَ اے سال ءَ انسانی سوداگری ءِ ناجائزیں کاروبار ءُ درملک ءَ ناجائزیں سفر ءِ تہ ءَ ھواریں 451 مردم دزگیر کتگ اَنت۔ ھمگرنچیں ادارگ آنی کارروائی ءَ چہ یورپ ءَ ناجائزیں رنگ ءَ روگ ءِ پاکستانی آنی کساس 47 درسد کم بوتگ ءُ ھمے رنگ ءَ برطانیہ ءُ خلیج ءِ ملک آنی تہ ءَ ناجائزیں کاگد آنی سر ءَ سفر کنوکیں مردمانی کساس ھم کم بوتگ۔ یورپی ملکانی تہا ناجائزیں ہجرت، کار ءِ ویزہ، زیارت ءُ سیل ءُ سواد ءِ ویزہ ءِ ناجائز کارمرز کنگ، آف لوڈنگ ءُ ڈیپورٹ کنگ ءِ مستریں سبب انت۔ گیشتریں مسافر سعودی عرب، متحدہ عرب امارات، عراق، ملائیشیا ءُ عمان ءَ چہ ڈیپورٹ کنگ بوتگ انت۔ دیوان ءَ گیش گوشگ بوت کہ فیڈرل انوسٹی گیشن ایجنسی ءَ رسک ءِ جائزہ ءِ یونٹ کار کنگ ءَ اِنت، ایشی ءِ وسیلگ ءَ مسافر آنی ٹارگٹڈ اسکریننگ کنگ بیت ءُ ڈیپورٹ بوتگیں ءُ ناجائزیں رنگ ءَ سفر کنوکیں مسافر آنی ڈیٹا سسٹم ءَ ھوار کنگ بیت۔ دیوان ءَ گوشگ بوت کہ ایف آئی اے، اینٹی نارکوٹکس فورس ءُ ایشی ءَ گوں سیادی داروکیں ایندگر ادارگ آنی تہ ءَ کرپشن ءِ حل ءَ صفر برداشت کنگ بیت، ایف آئی اے ءَ کرپشن ثابت بوھگ ءَ پد 196 افسر ءُ کارندہ وتی نوکری ءَ چہ کشگ بوتگ انت۔ دیوان ءَ گوشگ بوت کہ بالی پٹ آنی سر ءَ ای گیٹ سسٹم ءَ را فعال کنگ ءِ واستہ کار بوھگ ءَ انت۔ ایشی ءَ ابید API-PNR ڈیٹا ءِ رسائی ممکن کنگ بیت دانکہ ممکنہ غیر قانونی سفری دستاویزات پیشگی دستیاب بہ بنت۔ مسافر آنی ڈیٹا ءِ واستہ موبائل فون ءِ ایپلی کیشن جوڑ کنگ بوھگ ءَ اِنت، ایف آئی اے ءِ آئی بی ایم ایس ءُ آئی ٹی سیکشن آنی نوکیں رنگ ءَ جوڑ کنگ بوھگ ءَ اِنت، ناجائزیں سفر ءِ بند کنگ ءِ واستہ مصنوعی ذہانت ءِ کارمرد کنگ بوھگ ءَ اِنت۔