بانُک اول آصفہ بھٹو زرداری ءَ سندھ انسٹی ٹیوٹ آف کارڈیالوجی شہید بے نظیر آباد ءِ نوک جوڑ بوتگیں ماڑی ءِ بنگیج کت

اسلام آباد۔20دسمبر  (اے پی پی):پاکستان ءِ اولی بانُک ءُ باسک راجی اسمبلی آصفہ بھٹو زرداری ءَ سندھ انسٹی ٹیوٹ آف کارڈیالوجی شہید بے نظیر آباد ءِ نوک جوڑ بوتگیں ماڑی ءِ بنگیج کت کہ اے صوبگ ءَ دل ءِ نادراہی ءِ مفت ءُ نوکیں علاج ءِ پجارینگ ءِ نیمگ ءَ یک ھاسیں سنگ میل ءِ انت۔ اے موہ ءِ سر ءَ شمبے ءِ روچ ءَ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ بانُک اول ءَ سندھ انسٹی ٹیوٹ آف کارڈیالوجی ءُ صوبائی حکومت ءِ نیمگ ءَ چہ السی جان سلامتی ءِ ھیالداری ءَ را مھکم کنگ ءُ دل یکیمی کنگ ءِ تہ ءَ کرد ءَ را ساڑات۔ آئی ءَ گوشت کہ سندھ انسٹی ٹیوٹ آف کارڈیالوجی ءِ وڑیں ادارگ وھد ءُ پاس ءِ سر ءَ ءُ باوقاریں رنگ ءَ مفت ءَ علاج ءِ پھجارینگ ءَ چہ نادراہ ھاسیں رنگ ءَ نزوریں تبک ءِ مردم آنی واستہ زندمان ءِ لیکہ جوڑ بوتگ اَنت۔ نوکیں افتتاح شہید بے زیر آباد انسٹی ٹیوٹ آف کارڈیالوجی 55بستر ءِ جدید ترین کارڈیک ہسپتال انت کہ ایشی ءِ تہا 24 کلاک ءِ کارڈیک ایمرجنسی سروسز، پرائمری اینجیوپلاسٹی ءُ پیڈیاٹرک کارڈیک کیئر ءِ سرا مفت ءِ سرا کار کنگ بیت۔ آؤکیں وھد ءَ اے آسراتی ءَ فالج ءِ نادراہ آنی علاج ءِ تیاری کنگ بوھگ ءَ اِنت۔ اے بنجاھ بنداتی رنگ ءَ 12 اپریل 2018 ءَ پیپلز میڈیکل یونیورسٹی ہسپتال نوابشاہ ءَ جوڑ کنگ بوتگ ات بلے کمیں جاہ ءِ سبب ءَ نوں نوکیں دیمروئی کتگیں آسراتی ءَ شنگ کنگ بوتگ کہ ایشی ءَ چہ وسطی سندھ ءِ آبادی ءِ ھزمت کنگ ءِ توانائی ءَ را مزنیں کساسے ءَ گیشی بوتگ۔ بانُک اول ءَ چوہدری محمد ظفر عرائین ءُ عظیم مغل ءِ خیراتی کمک ءِ ھم ستا کرتگ کہ آہاں ہسپتال ءِ ماڑی ءِ عطیہ کتگ ءُ آیوکیں سرجیکل ٹاور ءِ واستہ گیش کمک ءِ وعدہ کتگ کہ ایشی ءَ چہ سرکاری ھزمت ءِ ستا کرزیں جذبہ ءُ انسانیت ءِ ھزمت ءَ یکجائی ذمہ واری ءِ درشانی کنگ بوتگ۔ اے موہ ءِ سر ءَ تران کنان ءَ سندھ ءِ جان سلامتی ءِ وزیر ڈاکٹر عزرا فضل پچوہو ءَ گوشت کہ صوبائی حکومت راجی جان سلامتی ءِ ادارگ آنی مھکم کنگ ءِ واستہ سرجمیں رنگ ءَ جزمیگ انت۔ آئی ءَ سندھ دل ءِ ادارہ شہید بے نظیر آباد ءَ را صوبہ ءِ جان سلامتی ءِ بنیاتی ڈھانچہ ءِ تہ ءَ مزنیں گیشی ءِ رنگ ءَ گشتگ کہ ایشی ءِ مول ءُ مراد جان سلامتی ءِ نابرابریاں را کم کنگ ءُ درستیں شہری آنی واستہ کوالٹی کارڈیک کیئر ءِ رسائی ءَ را دل یکیمی کنگ اِنت۔ دل ءِ ادارگ ءِ کارمستر پروفیسر جاوید اکبر سیال ءَ دیوان ءَ دل ءِ ادارگ ءِ نیٹ ورک ءِ گیشی ءُ کارکردگی ءِ ھوالگ ءَ سرپد کت۔ آئی ءَ گوشت کہ نوکیں آسراتی الس آنی دروازگ ءِ سر ءَ وھد ءِ سر ءَ، نوکیں ءُ سرجمیں رنگ ءَ مفت دل ءِ ھیالداری ءِ وعدہ ءِ نمائندگی کنت، ایشی ءِ تہ ءَ آیوکیں گامگیج آنی تہ ءَ گہتریں ایمرجنسی سروسز ءُ ایندگر پروگرام ھوار اَنت۔ آئی ءَ گوشت کہ دل ءِ ادارگ 10 سرجمیں کارڈیک ہسپتال ءُ سرجمیں سندھ ءَ سینہ ءِ درد ءِ یونٹ آنی یک مزنیں نیٹ ورک ءِ گوما دگنیا ءِ مزنیں فری کارڈیک ہیلتھ کیئر نیٹ ورک ءِ رنگ ءَ ابھر بوتگ، اے ادارگ ءِ بنگیج ءَ چہ زند ءِ رکّینگ ءِ کارڈیک ہیلتھ کیئر کمیونٹیز ءَ را نزیک کنگ ءِ مشن ءَ را گیش مھکم کنگ بیت۔ مراگش ءَ راجی اسمبلی ءِ ڈپٹی اسپیکر سید غلام مصطفی شاہ، سرکاری مزنیں کارندہ، جان سلامتی ءِ پیشہ ور ءُ سندھ انسٹی ٹیوٹ آف کارڈیالوجی نیٹ ورک ءِ نمائندگاں ھم بھر زوری کتگ۔