بانک اول آصفہ بھٹو زرداری ءَ بختاور کیڈٹ کالج ءِ پنچمی پاسنگ آؤٹ پریڈ ءَ بہر زرتگ، نوکیں جمنازیم ءُ سوئمنگ پول ءِ بنگیج کتگ

اسلام آباد۔20دسمبر  (اے پی پی):پاکستان ءِ اولی بانُک ءُ باسک راجی اسمبلی آصفہ بھٹو زرداری ءَ بختاور کیڈٹ کالج ءِ پنچمی پاسنگ آؤٹ پریڈ ءَ بہر زرتگ، ایشی ءِ تہ ءَ آئی ءَ نوکیں جمنازیم ءُ سوئمنگ پول ءِ ھم بنگیج کتگ۔ شمبے ءِ روچ ءَ صدر ءِ کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ بانُک اول ءَ اے موہ ءِ سر ءَ گوشت کہ بختاور کیڈٹ کالج وانگ ءُ زانگ، نظم و ضبط ءُ سروکی ءِ وسیلگ ءَ جنک آناں بااختیار جوڑ کنگ ءَ اِنت۔ آئی ءَ زالبولیں نودربراں نظم ءُ ضبط، احترام ءُ استقامت ءِ سرا زور دات۔ آصفہ بھٹو زرداری ءَ گوشت کہ بختاور کیڈٹ کالج سرجمیں ملک ءَ چہ 423 زالبولیں نودربر آناں معیاری وانگ ءُ زانگ ءِ پجارینگ ءَ انت، ورنا زالبول آناں بااختیار جوڑ کنگ پاکستان ءِ وشیں آیوکیں وھد ءِ ضمانت انت۔ خاتون اول ءَ آرٹ اینڈ سائنس نمائش 26-2025 ءِ باقاعدہ بنگیج ھم کتگ۔ عاصفہ بھٹو زرداری ءَ کیڈٹانی نیام ءَ کالج ءِ کرسٹ ءُ انعام بھر ءُ بانگ کتگ اَنت ءُ مارچ پاسٹ، پی ٹی، جمناسٹک ءُ کراٹے شوز ءَ اے مراگش ءِ آسر کتگ۔