صدر آصف علی زرداری ءَ الجزیرہ میڈیا نیٹ ورک ءِ ڈائریکٹر جنرل ناصر بن فیصل بن خلیفہ الثانی ءَ گوں گند ءُ نند

دوحہ۔6نومبر  (اے پی پی): صدر ءِ مملکت آصف علی زرداری ءَ دوحہ ءَ الجزیرہ میڈیا نیٹ ورک ءِ ڈائریکٹر جنرل ناصر بن فیصل بن خلیفہ الثانی ءَ گوں گند ءُ نند کت۔ پنچ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گتر ءِ میزبانی ءُ گتر ءِ سروکی ءَ گوں پائدگ مندیں گند ءُ نند آنی سر ءَ دل یکیمی ءِ درشانی کتگ۔ صدر ءِ مملکت ءَ گوشت کہ الجزیرہ ءِ راج آنی نیام ءَ معروضی اھوالکاری ءِ دیمروئی ءُ ھمگرنچی ءِ تہ ءَ ھاسیں کرد انت۔ صدر آصف علی زرداری ءَ فلسطینی الس ءِ حق ءَ گتر ءِ اصولی موقف ءُ غزہ ءَ امن ءِ ھاتر ءَ آئی ءِ سروکی ءَ را ساڑات۔ ناصر بن فیصل الثانی ءَ گتر ءِ گوما یکوئی ءِ درشان کنگ ءِ پد ءَ پاکستان ءِ شگر ءُ منت گپت۔ الجزیرہ میڈیا نیٹ ورک ءِ ڈائریکٹر جنرل ءَ صدر ءِ مملکت ءَ را گوشت کہ الجزیرہ ءِ مزن تک ءِ ڈل زوت پاکستان ءِ تر ءُ تاب ءَ کیت۔ گند ءُ نند ءَ بانُک اول بی بی آصفہ بھٹو زرداری، پیپلز پارٹی ءِ چیئرمین بلاول بھٹو زرداری ءُ پاکستانی سفیر ءَ ھم شریک بوتگ ۔