پاکستان ءَ فٹبال ءِ واستہ بازیں پوٹینشل است انت، ما ملک ءَ فٹبال ءَ دیمروی کناں، رانا مشہود احمد خان

اسلام آباد۔6نومبر  (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ گوشت کہ پاکستان ءَ فٹبال ءِ واستہ بازیں گنجائش است انت، فیفا ءِ سینئر نائب صدر شیخ سلمان بن ابراہیم الخلیفہ فیفا ءُ اے ایف سی ءِ کمک ءَ اے جوانیں ملک ءَ فٹبال ءَ را دیمروئی دنت۔ چیئرمین مزن وزیر ءِ ورنا پروگرام رانا مشہود احمد خان ءَ فیفا ءِ سینئر نائب صدر شیخ سلمان بن ابراہیم الخلیفہ ءُ پاکستان فٹبال فیڈریشن ءِ صدر محسن گیلانی ءِ گوما پریس کانفرنس ءِ برجم دارگ ءِ وھد ءَ گوشت کہ نائب صدر ءَ فیفا ءَ را پاکستان ءَ را دگہ پورٹ فیلڈ اسپورٹ ءِ پجارینگ ءَ وش اتک کتگ، حکومت ءَ را شیخ سلمان ءَ فٹبال ءِ تہا بازیں کرد پیلو کتگ، ءُ پاکستان ءَ ٹیلنٹ ءِ شوہازگ ءِ ھاتر ءَ فیفا ءِ گوما کار کنت۔ آئی ءَ گوشت کہ مزن وزیر شہباز شریف ءِ ویژن ءِ چیر دستی ءَ لیب ءُ گوازی ءِ پڑ ءَ جوانیں بدلی آرگ ءَ انت، ورنا آنی گوما کتگیں وعدہ آنی سر ءَ جوانیں رنگ ءَ عمل کنگ بوھگ ءَ انت، ملک ءَ 23 لیب آنی تہ ءَ ٹیلنٹ ہنٹ ءِ سر ءَ کار کنگ ءَ آں، فٹبال ھمے 23 لیب آنی تہ ءَ یک انت ءُ مئے کر ءَ سک باز باصلاحیتیں ورنا است انت۔ فیفا ءِ سینئر نائب صدر شیخ سلمان بن ابراہیم الخلیفہ ءَ گشتگ کہ من بازیں سالاں پد پاکستان ءَ آیگ ءَ سک باز وش آں، من گڈی رند ءَ 2017 ءَ پاکستان ءَ اتکگاں، اے رندی پاکستان ءَ آیگ ءِ وھد بالکل راست انت۔ پی ایف ایف ءِ صدر سید محسن گیلانی ءِ سروکی ءَ گچین بوتگیں ادارگ ءَ را وش آتک کنگ بیت۔ پاکستان ءَ فٹبال ءِ دیمروئی ءِ واستہ یک ھاسیں روڈ میپ ءِ ضلورت اِنت۔ پاکستان ءَ فٹبال ءِ واستہ بازیں پوٹینشل است انت۔ بازیں مڑدم اے کھیڈ ءَ گوں نزیکی ءَ کننت۔ مارا ھرچ وڑ ءَ کہ بوت کنت ایشی ءَ را دیم ءَ برگی اِنت۔ ما پاکستان ءَ فٹبال ءِ دیمروئی ءِ واستہ ھمک رنگ ءِ کمک ءَ کناں۔ آئی ءَ گوشت کہ بنیاتی ڈھانچہ ھما وڑ ءَ جوان نہ انت بلے ایشی ءَ را ایندگہ پروگرام آنی گوما گہتر کنگ ءِ کوشست کن ایں ۔ تئو نزیکیں باندات ءَ بدلی گندئے۔