آرمی ءِ سروک فیلڈ مارشل سید  عاصم منیر ءَ برطانوی جنرل اسٹاف ءِ سروک جنرل سر چارلس رولنڈ ونسنٹ والکر ءَ گوں گند ءُ نند

راولپنڈی۔6نومبر  (اے پی پی): آرمی اسٹاف ءِ سروک فیلڈ مارشل سید  عاصم منیر ءَ برطانوی جنرل اسٹاف ءِ سروک جنرل سر چارلس رولنڈ ونسنٹ والکر  ءَ گوں جنرل ہیڈ کوارٹر ءَ گند ءُ نند کتگ۔ گند ءُ نند ءِ تہ ءَ وت مہ وتی مفاد ءِ جیڈھ، دمگی سلامتی ءُ دو نیمگی دیمپانیی کمک ءَ را گیش گیش کنگ ءِ واستہ گامگیج آنی سر ءَ دلگوشی دیگ بوت۔ دوئیں نیمگ ءَ دمگ ءَ امن ءُ ایمنی ءِ پجارینگ ءِ واستہ برجاھیں کمک ءِ ضلورت ءِ سر ءَ زور پر دات۔ پنچ شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ شرپداریں مہمان ءَ ناشرکاری ءِ ھلاپ ءَ جنگ ءَ پاک اُرد ءِ کار ءُ قربانی ءُ دمگی امن ءُ ایمنی ءِ واستہ کوشست آناں ساڑاتگ۔ ایشی ءَ چہ پیسر جی ایچ کور ءِ آیگ ءِ سر ءَ جنرل سر چارلس رولینڈ ونسنٹ والکر ءَ شہید آنی یادگار ءِ سر ءَ گلدستہ ایر کتگ ءُ شہید آنی یات ءَ شگر ءُ منت گپتگ۔ پاک فوج ءِ جوانیں پوشاکیں دستہ ءَ آئی ءَ را گارڈ آف آنر دات۔