ھاسیں کمکار مبارک زیب ءَ سینیٹر روبینہ خالد ءَ گوں گند ءُ نند کتگ، ھواریں ضلع آنی تہ ءَ چاگردی رکھینگ ءِ گامگیج آنی سر ءَ گپ ءُ تران

اسلام آباد۔6نومبر  (اے پی پی): یکجاھیں ضلع آنی ھوالگ ءَ مزن وزیر ءِ ھاسیں کمکار مبارک زیب ءَ پنچ شمبے ءِ روچ ءَ ڈل ءِ گوما چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ گوں گند ءُ نند کت۔ گند ءُ نند ءَ یکجا بوتگیں ضلع آنی تہ ءَ بی آئی ایس پی ءِ جاری ءُ آیوکیں گامگیج آنی سر ءَ ھیال ریچی کنگ بوت۔ مبارک زیب ءَ یکجا بوتگیں دمگ آنی تہ ءَ گریبی ءِ ھلاسی ءُ چاگردی رکھینگ ءِ دیمروئی ءِ تہ ءَ بی آئی ایس پی ءِ کرد ءِ توسیپ کت ءُ اے دمگ آنی تہ ءَ پروگرام ءِ رسائی ءَ را گیش کنگ ءِ واستہ سوج ءُ پنت ءُ شون کت۔ چیئرپرسن سینیٹر روبینہ خالد ءَ دل یکیمی دات کہ بی آئی ایس پی یکجا بوتگیں ضلع آنی تہ ءَ اولیت ءِ بنیاد ءَ کار کنگ ءَ اِنت ءُ آیوکیں وھد ءَ ھم اے پڑ آنی تہ ءَ وتی کوشست آناں برجاہ دار ایت۔ آئی ءَ گوشت کہ حکومت ءِ ہدایت ءِ رد ءَ مستحقیں ھاندان آناں مالی کمک پجاری ءِ واستہ توامیں وسیلگ آناں کارمرد کنگ بوھگ ءَ انت۔ گند ءُ نند ءَ دوئیں نیمگ ءَ یکجا بوتگیں ضلع آنی تہ ءَ چاگردی سلامتی ءَ را گیش موثر جوڑ کنگ ءِ واستہ وت مہ وتی کمک ءَ را برجاہ دارگ ءِ سر ءَ تپاک کنگ بوتگ۔