بنجائی وزیر حنیف عباسی راولپنڈی سیف اینڈ سمارٹ ریلوائی اسٹیشن ڈٹ انا بناءِ کرے

راولپنڈی۔ 06 نومبر (اے پی پی) بنجائی وزیر ریلوائی محمد حنیف عباسی پارینے کہ ریلوائی ءِ پوسکن، رکھ و مسافر دوست جوڑ کننگ کن عملی گام گیج برجاءِ، زوت پاکستان نا غٹ بھلا ریلوائی اسٹیشن آک پوسکن آسراتی تیان شپ مریرہ۔ او پنچ شنبے نادے آ راولپنڈی ٹی ’’سیف اینڈ سمارٹ ریلوائی اسٹیشن‘‘ ڈٹ انا بناغان پد میڈیا تون گپ وتران کریکہ۔ وزیر ریلوائی پارے کہ وزیراعظم نا خصوصی است خواہی و وژن نا رداٹ ریلوائی نا نظام ءِ پوسکن آ وڑتتون ہم گرنچ کننگ انگ ءِ۔ ایف۔ بلوواو نا کمک اٹ راولپنڈی ریلوائی اسٹیشن آ نصب جدید’’سیف اینڈ اسمارٹ اسٹیشن سسٹم ‘‘ اٹی 143 کیمرہ غاتیا تالان فول پروف چاروکی نا نظام فعال کننگانے، ہرانا کمک اٹ اسٹیشن، ریزرویشن آفس و ہڑتوم آ کنڈآتا علاقہ غاتا پدریسہ مانیٹرنگ ممکن مسنے۔ اوپارے کہ راولپنڈی ملک انا اولیکو ریلوائی اسٹیشن ءِ ہرادے پوسکن آ رکھی مانیٹرنگ سسٹم آن شپ کننگانے۔ دا نظام آن نئے بیرہ سیکورٹی ٹی گچینی بریک بلکن عملہ نا کارکڑد نا گچین چاروکی ہم ممکن مننگ کیک۔ محمد حنیف عباسی پوسکن آ سی آئی پی لاؤنج و ویٹنگ ایریانا ہم بناءِ کرے۔ اوپارےکہ بھلا ریلوائی اسٹیشن تیا پوسکن آ لاؤنج آتا تعمیر برجاءِ ہراڑے مسافر آتے پرسکون و آرام دہ چاگڑد فراوان کننگک۔ لاؤنج آتیٹی چاہ و ریفریشمنٹ، زالبول و فیملی تیکن علیحدہ ویٹنگ ایریا، مفت وائی فائی و اے ٹی ایم مشین تا آسراتی دستیاب مریک۔