بنجائی دارالحکومت اٹی بیست ءُ چار گھنٹہ ٹی ڈینگی نا 10 پوسکن ءُ کیس رپورٹ

اسلام آباد۔ 06 نومبر (اے پی پی) بنجائی دارالحکومت اٹی بیست ءُ چار گھنٹہ ٹی ڈینگی نا 10 پوسکن ءُ کیس رپورٹ مسنے۔ پنچ شنبے نادے آ ضلعی انتظامیہ نا کنڈآن جاری بیان نا رداٹ اسلام آباد اٹی ضلعی انتظامیہ نا کنڈآن ڈینگی نا مون ءِ توننگ کن سخت گام گیج برجاءِ، انسداد ڈینگی مہم نا کارکڑد نا بابت ہڑدے ئی سرویلینس رپورٹ پیش کننگا، ڈینگی لاروا نا افزائش ءِ توننگ کن شار انا حساس علاقہ غاتیٹی 1062 ہند آتیا فوکنگ نا عمل ءِ پورو کننگا۔ تدوک آ دے جم وڑاٹ ہر شار انا جتا بشخ آتیٹی 45 ہزار 306 انسپکشن پورو کرے۔ تدوک آ بیست ءُ چار گھنٹہ ٹی 10 پوسکن ءُ ڈینگی کیس رپورٹ مسنے۔ لاروا نا چیکنگ اٹی 335 پازیٹیو ہاٹ سپاٹس نا پیدواری ءِ کننگا۔ 7 کیس رورل ایریاز وخت اس کہ 3 کیس اربن ایریاغاتیان مون آ بسنے۔ بنجائی دارالحکومت  نا چندی ہسپتال آتیٹی داوخت آ 44 مریض زیر علاج ءُ۔ ڈینگی ڈیم تا کنڈآن چندی سیکٹر و یونین کونسل آتیٹی 1073 ہند آتیا سپرے کننگا۔ ضلعی انتظامیہ نا انسداد ڈینگی ٹیم تے زہمی علاقہ غاتیٹی انسپکشن و ہڑدے کارکڑد رپورٹ پیش کننگ نا پارت کننگانے۔ ضلعی انتظامیہ پارے کہ ایس اوپیز نا خلاف ورزی آ چندی ہند آتے سیل و چندی بندغ آتے دزگیرکننگا، پبلک ہند آتیا آگاہی بینرو انفارمیشن بورڈ خلنگانے، شاریک سفائی نا خاص خیال ءِ تخر و ڈینگی ایس او پی تیا عملدرآمد ءِ پک کیر، ببو اواری اٹ اسلام آباد ءِ ڈینگی فری جوڑ کننگ کن تینا عملی کڑد ءِ ادا کین۔