وزیراعظم شہباز شریف تون متحدہ قومی موومنٹ نا کنوینر ڈاکٹر خالد مقبول صدیقی نا کماشی ٹی 7 باسکی ڈل انا اوڑدہی

اسلام آباد۔ 06 نومبر (اے پی پی) وزیراعظم محمد شہباز شریف تون متحدہ قومی موومنٹ نا کنوینر ڈاکٹر خالد مقبول صدیقی نا کماشی ٹی 7 باسکی ڈل اوڑدہی کرے۔ وزیراعظم آفس نا میڈیا ونگ انا کنڈآن پنچ شنبے نادے آ جاری بیان نا رداٹ ایم کیو ایم نا ڈل اٹی خالد مقبول صدیقی آن بیدس گورنر سندھ کامران خان ٹیسوری، بنجائی وزیر جان جوڑی سید مصطفیٰ کمال ، قومی اسمبلی نا باسک ڈاکٹرفاروق ستار، جاوید حنیف خان، سید امین الحق و خواجہ اظہار الحسن ئسک اوار ئسر۔ اوڑدہی ٹی سلاہ ئی 27 می آئینی ترمیم آ گپ وتران و سلابت مس۔ اوڑدہی ٹی نائب وزیراعظم و وزیرخارجہ محمد اسحاق ڈار ، اسپیکر قومی اسمبلی سردار ایاز صادق، وزیر دفاع خواجہ محمد آصف ، وزیرکانود اعظم نذیر تارڑ، وزیر اقتصادی امور احدخان چیمہ، بنجائی وزیر حوالکاری و شینکاری عطاء اللہ تارڑ ، وزیر پارلیمانی امور طارق فضل چوہدری و سلاہکار وزیراعظم رانا ثناء اللہ ئسک ہم ساڑی ئسر۔