یوم شہدائے جموں، 6 نومبر 1947ء نا سانحہ کشمیری الس نا تاریخ نا است ہسون و ناقابل فراموش بشخ ءِ ، ڈپٹی اسپیکر سید غلام مصطفیٰ شاہ

اسلام آباد۔ 06 نومبر (اے پی پی) ڈپٹی اسپیکر قومی اسمبلی سید غلام مصطفیٰ شاہ پارینے کہ 6 نومبر 1947ء نا سانحہ کشمیری الس نا تاریخ نا است ہسون و ناقابل فراموش بشخ ءِ، ہزار آکشمیری مسلمان تینا گل زمین، شناخت و آجوئی نا رکھ اکن قربان مسر، جموں نا شہید آک تینا جون تے ندر کرسا آجوئی نا شمع ءِ روشناکریر، پاکستان نا الس جموں نا شہید آتے خراج تحسین پیش کیک۔ پنچ شنبے نادے آ  یوم شہدائے جموں نا وخت آ اسہ کلہو اسے ٹی اوجموں نا شہید آتے خراج عقیدت پیش کرے و پارے کہ جموں نا شہید آک تینا جون تے ندر کرسا آجوئی نا شمع ءِ روشنا کریر، پاکستان نا الس جموں نا شہید آتے خراج تحسین پیش کیک، کشمیری الس نا جہد آجوئی اسہ انصاف اٹ و اصولی ءُ تحریک اسے۔ اوپارے کہ بھارت نا ریاستی دہشت گردی کشمیری تا عزم و حوصلہ ءِ متزلزل کننگ کپک، جموں ٹی ڈوگرہ فوج و انتہاپسند ہندوتا دوتے اٹ ہزار آ بے گناہ مسلمان تا خون انسانیت نا پیشانی ءُ بدنما ءُ داغ اسے، 6 نومبر 1947ء نا کشت وخون بھارتی ظلم انا سنگین درور ءِ، بھارت اقوام متحدہ نا قرارداد آتے گوجالسا جہانی کانود نا پاش آن پاش خلاف ورزی ءِ کننگ ءِ، کشمیری الس ءِ اوفتا حق خودارادیت ترفنگ جہانی برادری نا زمواری ءِ۔ اوپارے کہ پاکستان کشمیری الس نا سیاسی، اخلاقی و سفارتی مخ تفی ءِ برجاتخک، پارلیمنٹ پاکستان ہر جہانی فورم آ کشمیری الس نا حق اٹی توار بڑز کرسا کیک۔