پارلیمانی کشمیر کمیٹی نا چیئرمین رانا قاسم نون و ایلوفتا یوم شہدائے جموں نا دود آن تران

اسلام آباد۔ 06 نومبر (اے پی پی) پارلیمانی کشمیر کمیٹی نا چیئرمین رانا قاسم نون پارینے کہ پاکستان کن کشمیر اسہ قومی کاز اسے،کشمیر آن بیدس پاکستان بے پورو ءِ، پاکستان نا پوروی کشمیر آن بیدس مننگ کپک، کشمیر بھارت نا اندرونی ویل اف و نئے انڈیا نا بشخ ءِ، کشمیر دوطرفہ ویل اس اف۔ پنچ شنبے نادے آیوم شہدائے جموں نا رداٹ اڈ ہلوک دود آن تران کرسا رانا قاسم نون پارے کہ کشمیر نا جہد سد آ سال متکن ءِ، کشمیر نا جہد قربانی، قیدوبند آتا صعوبت آتیان پُر تموک ءِ، پاکستان کن کشمیر اسہ قومی کاز اسے۔ اوپارے کہ کشمیر آن بیدس پاکستان بے پورو ءِ، تکمیل پاکستان کشمیر آن بیدس مننگ کپک، کشمیر بھارت نا اندرونی ویل اف و نئے انڈیا نا بشخ ءِ، کشمیر دوطرفہ ویل اف۔ اوپارےکہ 6 نومبر آجموں ٹی دترنا ہولی اس گوازی کننگا، آر ایس ایس نا مخلوق آتے بس آتیٹی پُرکرسا گراؤنڈ آ دننگا ۔ اوپارے کہ فلسطین و کشمیر کاز اٹی قربانی تا بابت مماثلت خننگک، نیتن یاہو و مودی نا اسٹی فلسطین آن مخلوق ءِ کشنگ خوارہ۔ اوپارے کہ کشمیر اٹی غیرکشمیری تے آباد کننگ انگ ءِ تانکہ مسلمان تے ہموکان کشنگے، ہموڑے ہزار آ ورنا و چناک اینو زندان تیٹی ءُ۔ اوپارے کہ کشمیر نا نیلسن منڈیلا شبیر شاہ ءِ درمان نا آسراتی تننگے، کشمیر کاز حکومت آتا محتاج اف دا ریاست نا کاز ءِ۔ رانا قاسم نون پارے کہ پاکستان نا ریاست  تون کشمیر ایشو آ چار جنگ کننگانے، معرکہ حق اٹی 16 گھنٹہ ٹی سویلی ایشیا ٹی طاقت نا توازن ہی بدل مس۔