پاکستان و قطر انا نیام اٹ شریداری علاقائی امن ، توانائی نا رکھ و راجی شونداری کن سٹریٹجک اہمیت تخک، صدر آصف علی زرداری نا قطر انا انگریزی اخبار ’’دی پیننسولا‘‘ ءِخصوصی انٹرویو

دوحہ۔ 06 نومبر (اے پی پی) صدر مملکت آصف علی زرداری ڈیہہ اٹی امن و گپ وتران نا مون آ دننگ کن قطر انا تعمیری کڑد انا ستاءِ کرسا پارینے کہ پاکستان و قطر انا نیام اٹ شریداری علاقائی امن، توانائی نا رکھ و راجی شونداری کن سٹریٹجک اہمیت تخک، پاکستان و خلیجی ملک آک افرادی قوت نا دستیابی، مہارت نا مون آ دننگ و پائیدار زرکاری ٹی کمکاری ءِ ودفنگ کیرہ، پاکستانی برادری نا کڑد پاکستان و قطر انا متکن آ تعلقداری کن سوگو پول انا حیثیت تخک، پاکستان نا راجی رکھ انا نظام اٹی بائیو میٹرک پک آن کمکی زر شفاف وڑاٹ حقدار اسکان سرمریک، نن ہندن ءُ پاکستان اس خوانہ ہراڑے ہرخاہوت ءِ راجی رکھ مرے، زالبول آک زرگزرانی وڑاٹ وتواجہ مریر و ورناتے باعزت روزگار ملے۔ اوداخیال آتا درشانی ءِ قطر انا انگریزی اخبار’’دی پیننسولا‘‘ ءِ خصوصی انٹرویوٹی کرے۔ صدر پارے کہ قطر ڈیہہ اٹی امن کن اہم ثالث نا کڑد ادا کرینے، خاص کر حماس و جہانی فریق آتا نیام اٹ مذاکرات اٹی آسراتی فراوان کننگ و امریکہ و طالبان نا نیام اٹ مذاکرات نا مہمانداری ءِ کرے ہراڑآن اوغان امن عمل نا کسر آوار و پاکستان نا علاقائی گڑتی تا بابت اہم پیش رفت مس۔ او پارے کہ پاکستان و قطر انا نیام اٹ گہری و کثیر الجہت شریداری اسیجائی مذہب، دودوربیدہ و تین پہ تینی شرف آ تالان ءِ، 1972 اٹی سفارتی تعلقداری نا قیام آن پد آن ہڑتوم آ ملک آک سیاسی، زرگزرانی، دفاعی ، توانائی و انسانی بشخ آتیٹی کمکاری ءِ پدریسہ ودفینے، ساڑی آ جغرافیائی و سیاسی حالیت آتیٹی دا شریداری علاقائی امن، توانائی نا رکھ و راجی شونداری کن اسہ اسٹریٹجک اہمیت تخک۔ اوپارے کہ ہڑتوم آملک آک قطر اٹی پاکستانی افرادی قوت نا خذمت آتے قدر انا نظر اٹ ہریرہ و تربیت و راجی رکھ انا بشخ آتیٹی کمکاری ءِ ودفنگ آ سجفنگ ءُ۔ اوپارےکہ قطر اٹی رہینگوک پاکستانی برادری ننا متکن آ تعلقداری تا سوگو پول ءِ، اوفتا خواری و کسبی لائخی تا قطر انا بھلا شونداری ٹی اہم ءُ بشخ اسے وخت اس کہ اوفتا زرراہی تس و مہار ت پاکستان نا زرگزران و السی رابطہ غاتے سوگو کیک۔