معرکہ حق اٹی شکست کنوک بھارت ءِ اسہ وار ولدا جہانی کہو ل آ رسوائی تون مون تننگ، صدر ٹرمپ انا اسہ وار ولدا ہفت انا جاگہ غا ہشت جہاز خلنگ و بِٹنگ نا انکشاف

اسلام آباد۔ 06 نومبر (اے پی پی) امریکی صدر ڈونلڈ ٹرمپ انا اسہ وار ولدا معرکہ حق اٹی ہفت انا جاگہ غا ہشت جہاز خلنگ و بِٹنگ نا انکشاف کرینے۔ سرجم حوال آتا رداٹ معرکہ حق اٹی شکست کنوک بھارت ءِ اسہ وار ولدا جہانی کہول آ رسوائی تون مون تروک ءِ، آپریشن سندور اٹی پاکستان نا دوتے اٹ عبرتی شکست مودی کن خُلوک ءُ تغ اس جوڑ مسنے ۔ میامی، امریکہ ٹی امریکن بزنس فورم آن تران اٹی امریکی صدر ڈونلڈ ٹرمپ پارے کہ پاک بھارت جنگ اٹی بنداوی وڑاٹ ہشت جہاز آتے خلنگا بِٹنگا، ہفت جہاز خلک بِٹے وخت اس کہ ہشت می جہاز ءِ بھاز بے وڑ نسخان مس۔ امریکی صدرٹرمپ پاک بھارت جنگ بندی ٹی فیصلہ کن کڑد ادا کننگ نا دعویٰ ہم کرینے۔ امریکی صدر ٹرمپ کیہی وار پاکستان نا سیاسی و عسکری سرکڑدہ غاتا ستاءِ کرینے۔ پاکستان نا سرسہب حکومتی سفارتکاری و عسکری ڈپلومیسی پاکستان نا جہانی شناخت ءِ مستحکم کرے۔