وفاقی وزیر اھوالکاری عطا اللہ تارڑ ءَ پی ایف یو جے، آر آئی یو جے ءُ پریس کلب ءِ ڈل آں گوں گند ءُ نند کت، اھوالکارانی رکھینگ ءِ کمیشن ءِ جوڑ کنگ، اھوالکار آنی ناجائزیں وڑے ءَ برطرفی ءُ دگہ جیڈھ آنی سر ءَ گپ ءُ تران

اسلام آباد۔ 5 نومبر (اے پی پی): پاکستان ءِ فیڈرل یونین آف جرنلسٹز، راولپنڈی اسلام آباد یونین آف جرنلسٹز ءُ پریس کلب ءِ ڈل ءَ گوں وفاقی وزیر ءِ اھوالکاری عطا اللہ تارڑ ءَ گوں گند ءُ نند کت۔ ڈل ءِ تہ ءَ پی ایف یو جے ءِ صدر افضل بٹ، سیکرٹری نیشنل پریس کلب نیئر علی، آر آئی یو جے ءِ سیکرٹری آصف بشیر چوہدری، اھوالکار ءِ سروک مظھر عباس ءُ شہزادہ ذوالفقار ھوار اتنت۔ گند ءُ نند ءَ اھوالکارانی رکھینگ ءِ کمیشن ءِ جوڑ کنگ، اھوالکارانی ناجائزیں وڑے ءَ چہ کار ءَ کشگ ءُ اے دگہ بنگپانی سر ءَ گپ ءُ تران کنگ بوت۔ وفاقی وزیر اھوالکاری عطا اللہ ترار ءَ گوشت کہ اھوالکار آنی رکھینگ ءِ کمیشن ءِ جوڑ کنگ ءِ عمل گڈی سیم سر آنی تہ ءَ انت، اھوالکار آنی ھک آنی رکھینگ ءَ را دل یکیمی کنگ بیت۔ وفاقی وزیر ءِ اھوالکاری ءَ میڈیا ہاؤسز ءَ چہ اھوالکار آنی ناجائزیں وڑے ءَ کشگ ءِ سر ءَ دلپدردی ءِ درشان کت ءُُ گوشت کہ اے ایجنڈا باقاعدگی ءَ میڈیا واھند آنی گوما چست کنگ بیت۔ آئی ءَ گوشت کہ سرکار ءَ میڈیا ھاوس آناں راجدپتری واجبات ادا کتگ بلے کارندہ آنی برز کنگ جیڑگ ءِ سبب انت۔ آئی ئَ گوشت کہ اھوالکار آنی واستہ جان سلامتی بیمہ ءِ نظام ءَ را گیش موثر جوڑ کنگ ءُ مزن کنگ بیت۔ عطا اللہ ترار ءَ گوشت کہ حکومت پریس ءِ آجوئی ءُ اھوالکار آنی اقتصادی ایمنی ءِ واستہ عملی گامگیج برجاہ دار ایت۔ عطا اللہ ترار ءَ گوشت کہ نیشنل پریس کلب ءِ سر ءَ اُرش ءِ ھوالگ ءَ چارٹر آف ڈیمانڈ ءِ سر ءَ عملدرآمد کنگ بیت۔ آئی ءَ گوشت کہ اھوالکار کمیونٹی ءِ جیڈھ آنی گیواری حکومت ءِ اولی ترجی انت۔ ڈل ءَ جیڈھ آنی گیواری ءِ دل یکیمی ءِ سر ءَ وفاقی وزیر ءِ اھوالکاری ءِ منت گپت۔ گند ءُ نند ءَ وزارت ءِ اھوالکاری ءِ ایڈیشنل سیکرٹری اشفاق خلیل ءُ پرنسپل انفارمیشن آفیسر مبشر حسن ھم ساڑی بوتگ انت۔