وزیر داخلہ محسن نقوی ءَ نادرا مرکز ءُ دمگی پاسپورٹ کارگس ڈیرہ گجران شلیمار ءِ تر ءُ تاب کتگ ، شناسنامہ ءُ پاسپورٹ جوڑ کنگ ءِ عمل ءِ سرا چار ءُ تپاسی کتگ

لاہور۔ 5 نومبر (اے پی پی) : وفاقی وزیر داخلہ محسن نقوی ءَ لاہور ءِ نادر سینٹر فہد ٹاؤن ءُ دمگی پاسپورٹ کارگس ڈیرہ گجران شلیمار ءِ حیرانی ءِ تر ءُ تاب کتگ۔ اودا وزیر داخلہ محسن نقوی ءَ شناسنامہ ءُ ایندگر کاگد ءُ پاسپورٹ جوڑ کنگ ءِ عمل ءِ سرا چار ءُ تپاسی کتگ۔ تہی کارانی وزیر محسن نقوی ءَ نادر سنٹر ءُ پاسپورٹ کارگس ءَ ساڑی بوتگیں شہری آں گوں گند ءُ نند کتگ ءُ شہری آنی جیڑہ گوش داشتگ ءُ آہانی گیواری ءِ واستہ جاہ ءِ سر ءَ پرمان داتگ۔ محسن نقوی ءَ ویلچر ءِ سرا نشتگیں پیریں جنینے ءِ کاگداں بے تاھیری ءَ کارروائی کنگ ءِ ہدایت کتگ۔ وزیر داخلہ محسن نقوی ءَ ہدایت کت کہ ھاسیں مردم آنی کار ءَ را ھاسیں پروٹوکول ءِ گوما زوت دیم ءَ برگ بہ بیت۔ تہی کارانی وزیر محسن نقوی ءَ نادر سینٹر ءُ پاسپورٹ کارگس ءَ سروسز ءِ بابت ءَ ھم شہری آں جست ءُ پرس کتگ۔ گپ ءُ تران ءِ تہا شہری آں گشتگ کہ پاسپورٹ ءِ گرگ ءِ واستہ آہاں دیر ودار کنگ نہ لوٹیت۔ باریگ زوت کیت۔ عملہ ءِ رویہ ہم جوان انت ءُُ آ شریں وڑے ءَ رہشونی کن انت۔ وزیر داخلہ محسن نقوی ءَ نادرا مرکز ءِ کارندہ آناں ہدایت کتگ کہ آ شناختی کارڈ ءُُ کاگد آنی ھوالگ ءَ کار آناں ترندی ءَ گوں دیم پہ دیم بہ کن اَنت۔ تہی کارانی وزیر محسن نقوی ءَ گشتگ کہ شہری وتی کاگد ءِ گرگ ءَ ہچ وڑیں مشکل ءِ آماچ مہ بنت۔ دستاویزات ءُ پاسپورٹ ءِ دیم دیگ ءِ وھد ءُ پاس ءِ تہ ءَ دل یکیمی کنگ بہ بیت۔ نادرا سنٹر ءُ پاسپورٹ کارگس ءَ آیوکیں ہر شہری ءِ کار ایر کتگیں وھد ءُ پاس ءِ تہا سرجم کنگ بہ بنت۔