بانُک اول بی بی آصفہ بھٹو زرداری ءَ گتر فاؤنڈیشن ءَ شیخا موزہ بنت ناصر ءَ گوں گند ءُ نند کتگ، وانگ ءُ زانگ، زالبولانی بااختیار کنگ ءُ چاگردی شمولیت ءِ دیمروئی ءِ ھاترا جزم ءِ درشان

دوحہ۔ 5 نومبر (اے پی پی): بانُک اول بی بی آصفہ بھٹو زرداری ءَ گتر فاؤنڈیشن ءَ شیخا موزہ بنت ناصر ءَ گوں گند ءُ نند کت۔ چار شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ گند ءُُ نند ءَ وانگ ءُُ زانگ، جان سلامتی، نوآبادیاتی ءُ زالبول آناں توان دیئگ ءِ شوبگ آنی تہ ءَ کمک ءِ سر ءَ ھیال ریچی کنگ بوتگ۔ بانُک اول بی بی آصفہ بھٹو زرداری ءَ وانگ ءُ زانگ ءُ انسانی دیمروئی ءِ دیمروئی ءِ تہ ءَ شیخا موزہ بنت ناصر ءِ رژنائیں سروکی ءَ را شگر ءُ منت گپت۔ بانُک اول ءَ پاکستان ءَ 13 لکھ ءَ چہ گیش زھگ آناں وانگ ءُ زانگ ءِ پجاری ءِ واستہ ایجوکیشن ابو آل ءِ ارزشتی ایں ازمت آنی توسیپ کت۔ خاتون اول ءَ پاکستانی یونیورسٹی ءُ گتر فاؤنڈیشن ءِ نیام ءَ کمک ءَ را گیش کنگ ءِ تجویز پیش کتگ۔ شیخا موزہ بنت ناصر ءَ پاکستانی نودربر آنی کارکردگی ءُ نبشتہ کاری ءِ صلاحیت آناں ساڑات۔ بانُک اول ءَ شیخا موزا ءِ فلسطین ءِ حق ءَ موقف ءُ غزہ ءَ اسرائیل ءِ ظلم ءُ زوراکیانی مذمت ءَ را شگر ءُ منت گپت۔ دوئیں رہشوناں وانگ ءُ زانگ، زالبول آنی بااختیار کنگ ءُ چاگردی شمولیت ءِ دیمروئی ءِ واستہ وتی عزم ءِ پدا زور دات۔