صدر آصف علی زرداری ءَ دوحہ ءَ گتر ءِ امیر شیخ تمیم بن حمد الثانی ءَ گوں گند ءُ نند کتگ، سیاسی، اقتصادی ءُ دود ءُ ربیدگ ءِ شوبگاں کمک ءَ را گیش مھکم کنگ ءِ راہ ءُ درانی سر ءَ گپ ءُ تران

دوحہ۔5نومبر  (اے پی پی): صدر آصف علی زرداری ءَ دوحہ ءَ گتر ءِ امیر شیخ تمیم بن حمد الثانی ءَ گوں گند ءُ نند کت۔ چار شمبے ءِ روچ ءَ صدر ءِ کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ امیر گتر ءَ صدر ءِ مملکت ءَ را وش آتک کتگ ءُ دوحہ ءِ تر ءُ تاب ءِ سر ءَ آئی ءِ منت گپتگ۔ گتر ءَ پاکستان ءُ آئی ءِ کارکن آنی سر ءَ پھر انت ۔ امیر گتر ءَ پاکستانی کمیونٹی ءِ کرد ساڑاتگ انت ءُ آہانی کساس ءَ مزنیں کساسے ءَ گیشی کنگ ءِ واھشت ءِ سہرا کتگ۔ صدر ءِ مملکت ءَ پاکستان ءِ حکومت ءُ الس ءِ نیکیں واھشت امیر گتر ءَ را سر کت اَنت ءُ گتر ءِ   امیر ءِ دور چمیں سروکی ءَ را ساڑات۔ دوئیں رہشوناں پاکستان ءُ گتر ءِ نیام ءَ گرم ءُ براتی سیادی ءِ دوبر پدر کت کہ ایشی ءِ بُن ھشت ایمان، وت مہ وتی بھروسہ ءُ مسلم امت ءِ امن، وشھالی ءُ دیمروئی ءِ واستہ یکجائی واھشت آنی تہ ءَ اِنت۔ صدر ءِ مملکت ءَ گپ ءُ تران ءُ انسانی سفارتکاری ءِ مرکز ءِ بستار ءَ گتر ءِ دیمروئی کنوکیں جھان ءِ کرد ءِ توسیپ کت ءُ غزہ ءِ الس ءَ را جنگ بندی ءُ انسانی کمک ءِ وکالت ءِ تہ ءَ امیر گتر ءِ استحکام ءِ سر ءَ شگر ءُ منت گپت۔ صدر آصف علی زرداری ءَ مغرب ءِ ھلاپ ءَ پاکستان ءِ بے مٹیں عزم ءِ یک رندے پدر کنان ءَ پاکستان ءِ نیمگ ءَ گتر ءِ سر ءَ اسرائیل ءِ زوراکی ءِ سکیں مذمت ءُ میاں اوستمانی فورم آنی تہ ءَ گتر ءِ وت واجہی ءِ واستہ برجاھیں سفارتی کمک ءِ سر ءَ دلگوش گور کت۔ امیر گتر ءَ پاکستان ءُ سعودی عرب ءِ نیام ءَ انوگیں دفاعی معاہدے ءِ سرا دل یکیمی ءِ درشانی کتگ ءُ گشتگ کہ اے یک وشیں ءُ وھد ءِ سرا گامگیج ات کہ ایشی ءَ چہ پیسر کنگ بوتگ ات۔ آئی ءَ گوشت کہ پاکستان یک انچیں ملک ءِ بستار ءَ یک انچیں بے دروریں بستار ءِ واھند اِنت کہ آ میاں اوستمانی، مغرب ءُ خلافت ءِ گوما اسٹریٹجک سیادی ءَ را برجم دار ایت۔ دوئیں بامرد آں اقتصادی، چاگردی ءُ ثقافتی شوبگ آنی تہ ءَ کمک ءَ را گیش مھکم کنگ ءِ راہ آنی سر ءَ ھیال درشان کنگ بوت۔ صدر ءِ مملکت ءَ دفاع ءُ سلامتی ءِ پڑ ءَ کمک ءَ را گیش کنگ ءِ پیشکش کت ایشی ءِ سر ءَ گتر ءَ جوانیں پسو دات ءُ گوشت کہ آ سیادی داروکیں واکدار آناں پاکستان ءِ گوما زوت گپ ءُ تران بندات کنگ ءِ ہدایت کناں۔ صدر ءِ مملکت ءَ کشت ءُ کشاری ءُ فوڈ سیکیورٹی ءِ تہ ءَ کمک ءَ را گیش کنگ ءِ ھم تجویز پیش کتگ۔ صدر ءِ مملکت ءَ پاکستان ءَ گیش بوھوکیں گتری سرمایہ کاری ءَ را وش اتک کنان ءَ دل یکیمی ءِ درشان کت کہ امیر گتر ءِ سروکی ءَ دو نیمگی کمک ءِ تہ ءَ گیشی برجاہ بیت۔ آئی ءَ گتر ءِ دیمروئی ءِ ھاتر ءَ فنڈ، ایجوکیشن ابو آل فاؤنڈیشن ءُ گتر ءِ دگہ انسانی کمک ءِ گامگیج آنی ھم توسیپ کت ءُ شیخہ موزہ بنت ناصر ءُ شیخہ المفسا بنت حمد الثانی ءَ را وانگ ءُ زانگ ءُ دود ءُ ربیدگی تبادلہ ءِ دیمروئی ءِ ھاتر ءَ ھاسیں رنگ ءَ داد ءُ شگر ءُ منت گپت۔ صدر آصف علی زرداری ءَ اوگانستان ءِ ھوالگ ءَ اقوام متحدہ ءِ نیمگ ءَ چہ دوحہ ءِ عمل ءِ دیوان آنی میزبانی ءُ آسراتی ءِ تہ ءَ گتر ءِ کرد ءِ توسیپ کت ایشی ءِ تہ ءَ مئی 2023 ءُ فروری 2024 ءَ اولی ءُ دومی راؤنڈ ھوار ات کہ ایشی ءَ انسانی کمک، دیمروئی ءُ ایمنی ءِ جیڈھ آنی سر ءَ میاں اوستمانی ھمگرنچی ءِ کمک کتگ۔ امیر گتر ءَ اے امیت ھم درشان کت کہ پاکستان ءُ اوگانستان وتی استیں جیڈھ آناں گیش ءُ گیوار کن اَنت ءُ استیں چیلنجاں چہ دیم ءَ جنز اَنت۔ صدر ءِ مملکت ءَ امیر گتر ءَ را پاکستان ءِ تر ءُ تاب ءِ دعوت دات ءُ دمگی امن، دیمروئی ءُ یکجائی وشھالی ءِ واستہ گتر ءِ گوما شریکداری ءَ را گیش مھکم کنگ ءِ واستہ پاکستان ءِ جزم ءِ سر ءَ زور پر دات۔ امیر گتر ءَ اے دعوت من اِتگ ءُ صدر ءِ مملکت ءَ را ھال داتگ کہ آ دیم ءِ سال ءِ بندات ءَ پاکستان ءِ تر ءُ تاب ءَ کنت ۔ گند ءُ نند ءَ پاکستان پیپلز پارٹی ءِ چیئرمین بلاول بھٹو زرداری ءُ گتری ڈل ءَ ھم شریک بوتگ ۔