بابا گرو نانک دیو جی ءِ زانشت  ءَ چہ جہانی ایمنی ، سگ ءُ اوپار ، مہر  ءُ انسانیت ءِ ھزمت ءِ درس دیگ بیت، راجی اسمبلی ءِ اسپیکر سردار ایاز صادق

اسلام آباد۔5نومبر  (اے پی پی): راجی اسمبلی ءِ اسپیکر سردار ایاز صادق ءَ گوشت کہ بابا گورو نانک دیو جی ءِ زانت ءُ زانشت  ءَ چہ انسانیت ءِ ھاترا جہانی ایمنی ، سگ ءُ اوپار، مھر ءُ ھزمت ءِ درس دیگ بیت، آئی ءِ پیغام ءَ چہ درستیں مذھب، نسل ءُ چاگرد آنی نیام ءَ یکے دومی ءِ احترام ءُ ھمگرنچی ءِ دیمروئی ءِ واستہ رہشونی دیگ بیت۔ بابا گرو نانک دیو جی ءِ 556می سالروچ ءِ درگت ءَ پاکستان ءَ ھوار سرجمیں دگنیا ءَ نندوکیں سکھ کمیونٹی ءَ را مبارک بات ءِ تہ ءَ آئی ءَ گوشت کہ اے مئے واستہ فخر ءِ گپ اِنت کہ پاکستان وتی ذمہ واری لیک ایت کہ آ گوں آئی ءَ ھمگرنچیں درستیں مقدسیں گُرباب جیکاناپلاتھ ءِ رکھینگ ءُ برجائی ءَ بہ کنت، ایشی ءِ تہ ءَ نانکان ھم ھوار اِنت۔ قومی اسمبلی ءِ صدر ءَ گوشت کہ پاکستان ءِ پارلیمنٹ پاکستان ءَ نندوکیں اقلیت آنی مذہبی، چاگردی ءُ آئینی ھک آنی رکھینگ ءِ واستہ جزمیگ اِنت ءُ اے درگت ءَ ملک ءَ وت مہ وتی یکوئی ءُ رواداری ءِ دیمروئی ءَ را جمہوری ارزشت آنی بنکی کنٹگ لیک ایت۔ آئی ءَ گوشت کہ اے موہ ءِ سر ءَ مارا بابا گرونانک ءِ انسانیت، سگ ءُ اوپار ءُ انصاف ءِ کلوہ ءَ چہ رھشونی زورگ لوٹ ایت ءُ یک انچیں دگنیا ءِ جوڑ کنگ ءِ جزم کنگ لوٹ ایت کہ آ ایمنی ، شرپ ءُ شرپ ءُ وت مہ وتی مہر ءُ محبت ءِ بنجاہ جوڑ بیت۔