مزن وزیر ءِ یوتھ پروگرام ءِ چیئرمین رانا مشہود احمد خان ءَ صوبائی پارلیمانی سیکرٹری حاجی محمد خان لہڑی   ءَ گوں گند ءُ نند

کوئٹہ۔ 05 نومبر (اے پی پی): مزن وزیر یوتھ پروگرام ءِ چیئرمین رانا مشہود احمد خان ءَ لہڑی ہاؤس ءَ صوبائی پارلیمانی سیکرٹری برائے ایکسائز ءُ ٹیکسیشن حاجی محمد خان لہڑی ءَ گوں ھاسیں گند ءُ نند کت۔ گند ءُ نند ءِ تہ ءَ راجی ءُ صوبائی سیاسی جاور، بلوچستان ءَ ورنا آنی واستہ دیمروئی ءِ موہ ءُ مزن وزیر ورنا پروگرام ءِ چیر دستی ءَ برجا بوھوکیں جتا جتائیں منصوبگ آنی سر ءَ سرجمی ءَ گپ ءُ تران کنگ بوت۔ اے موہ ءِ سر ءَ حاجی محمد خان لہڑی ءَ رانا مشہود احمد خان ءِ شرپ ءَ مزنیں استقبالیہ یے کت ۔ گند ءُ نند ءَ مزن وزیر ورنا پروگرام ءِ چیر دستی ءَ ورنا آناں روزگار، وانگ ءُ زانگ، ہنر ءُ کاروباری موہ پجاری ءِ واستہ چست کتگیں گامگیج آں ساڑاھگ بوت۔ حاجی محمد خان لہڑی ءَ گوشت کہ ورنا پاکستان ءِ ارزشتی ایں مڈّی اَنت، ملک ءِ وشھالی بید ءَ ایشاں دیمروئی ءِ عمل ءَ ھوار کنگ نہ بیت۔ آئی ءَ رانا مشہود احمد خان ءَ چہ لوٹ کتگ کہ بلوچستان ءِ ورنا آنی واستہ گیش ءَ چہ گیش پراجیکٹس بندات بہ کنت۔ رانا مشہود احمد خان ءَ دل یکیمی دات کہ مزن وزیر ورنا پروگرام ءِ چیر دستی ءَ بلوچستان ءِ ورنا آناں ھاسیں اولیت دیگ بیت تانکہ آ ہنرمند ءُ وت واجہ جوڑ کنگ بہ بنت۔