ایران ءِ رسانکدر ءِ ڈل ءَ اے پی پی ءِ بنجاھی کارگس ءِ تر ءُ تاب 

اسلام آباد۔5نومبر  (اے پی پی):  جمہوریہ ایران ءِ شنگکاری ءِ ڈل ءَ چار شمبے ءِ روچ ءَ ایسوسی ایٹڈ پریس آف پاکستان ءِ ہیڈ کوارٹر ءِ تر ءُ تاب کتگ ءُ ھال ءُ اھوال ءِ تبادلہ ءِ سروس ءِ ھوالگ ءَ وت مہ وتی دلچسپی ءِ دمگ آنی سر ءَ گپ ءُ تران کتگ۔ اے ڈل ءِ تہ ءَ آئی آر آئی بی ءِ ڈپٹی منیجنگ ڈائریکٹر ڈاکٹر احمد نوروزی، آئی آر آئی بی ءِ ورلڈ سروس افیئرز ءِ سروک، آئی آر آئی بی ءِ میان استمانی کارانی ڈائریکٹر جنرل ڈاکٹر عباس محمد نژاد، مرتضی شمسی، سحر گلوبل نیٹ ورک ءِ ڈائریکٹر جنرل باستان ءُ ڈاکٹر علی محمدی سینٹر باستان منالو اول ءِ ھوار بوتگ اَنت۔ ایسوسی ایٹڈ پریس آف پاکستان (اے پی پی) ءِ منیجنگ ڈائریکٹر محمد عاصم کھچی ءَ سرکاری حالجاہ ءِ متحرکیں کرد ، آئی ءِ سرجمیں ملکی بیورو ، اسٹیشن ، ضلعی نمائندہ ، ءُ حالجاہ ءِ بابت ءَ ڈل ءَ را سرپدی دات۔ آئی ءَ گوشت کہ انگریزی، اردو، عربی، چینی، سندھی، بلوچی، پشتو، ءُ سرائیکی ءَ ھوار جتا جتائیں زباناں سروس ءِ سرا کار کنگ ءَ انت۔ آئی ءَ 45 ءَ چہ گیش میاں اوستمانی نیوز ایجنسی آنی گوما اے پی پی ءِ نیوز ایکسچینج ءِ معاہدہ آنی سر ءَ چمشانک دات، ءُ سوشل میڈیا، رپورٹنگ، فیچر سروس، سفارتی، گلوبل نیوز ءُ ویڈیو نیوز سروس ءَ ھوار یک چہ گیش سروسز ءِ بابت ءَ سرپدی دات۔ ایم ڈی اے پی پی ءَ ایران ءِ ھال رسانکی ادارگ ءِ گوما برجاھیں یکے دومی ءِ ھالانی تبادلہ ءِ بابت ءَ ڈل ءَ را سرپدی داتگ۔ آئی ءَ ایران ءِ آئی آر آئی بی ءِ گوما تپاک نامہ ءِ دستاویز کنگ ءِ ھاتر ءَ تفصیلی تجویز ءِ پھجارینگ ءِ لوٹ کت ءُ گوشت کہ اے پی پی ءِ مزنیں ھاٹیگ ءِ است انت پمیشکا 2018 ءِ رھبند ءُ پالیشی آنی رد ءَ یک جتاھیں منوگری ءِ سر ءَ دستخط کنگ بوت کنت۔

معاون منیجنگ ڈائریکٹر ڈاکٹر احمد نوروزی ءَ گشتگ کہ آئی آر آئی بی ایران ءِ مستریں ستون ءُ رسانکدر ءِ تنظیم انت۔ آئی ءَ گوشت کہ میڈیا آرگنائزیشن یک شرپداریں نیوز سروس ءِ پیشکش ءَ کنت۔ آئی ءَ گوشت کہ ھال آنی مٹ ءُ بدلی ءَ چہ دوئیں ھمساھگیں ملک آنی نیام ءَ استیں وت مہ وتی سیادی آناں گیش ءُ گیوار بوت کنت۔ ڈاکٹر احمد نوروزی ءَ گوشت کہ اھوالکار آنی وت مہ وتی تبادلہ ءُ آوانی تربیتی پروگرام آناں ھم تنظیم آناں یکجا کنگ ءَ کمک رسیت۔ ایران ءِ سیستان ءُ بلوچستان ءِ مرکز ءِ آئی آر آئی بی ءِ جنرل منیجر ڈاکٹر علی محمدی نفچی ءَ گشتگ کہ آئی آر آئی بی ءِ گوما اے پی پی ءِ ھالانی تبادلہ ءَ چہ دوئیں ملکانی مردم وتی جغرافیائی سیمسراں چہ در ءَ یکجاہ بنت۔ آئی آر آئی بی ءِ میاں اوستمانی کارانی ڈائریکٹر جنرل ڈاکٹر عباس محمد نژاد ءَ گوشت کہ ایران ءِ الس چاگردی ءُ سیاسی جیڈھ آنی مزنیں کوالٹی ءِ ھال آنی کوریج، اکس ءُ لائیو اسٹریمنگ ءِ تہ ءَ دلگوشی دنت۔ ایشی ءَ پد ڈل ءَ اسٹوڈیوز ءُ ڈیٹا سنٹر ءَ ہوار اے پی پی ءِ جتاجتائیں سروس آنی تر ءُ تاب کت۔