بنجائی وزیر محمد حنیف عباسی نا مریم اورنگزیب تون اوڑدہی

لاہور۔ 05 نومبر (اے پی پی) بنجائی وزیر ریلوائی محمد حنیف عباسی چارشنبے نادے آ داڑے پنجاب نا سینئروزیر حوالکاری و دودوربیدہ مریم اورنگزیب تون اوڑدہی کرے ہراٹی پاکستان ریلوائی و پنجاب حکومت نا شریداری اٹ برجا و سلاہ ئی شونداری ڈٹ آتیا سرجمی اٹ گپ وتران کننگا۔ اوڑدہی ٹی ہڑتوم آ راہشونک ریلوائی نا چندی انفراسٹرکچر ڈٹ خاص کر ہشت برانچ لائنز آتا اپ گریڈیشن نا بابت امور نا جاچ ءِ ہلکر۔ داوخت آ بے رکھ و غیرنگرانی شدہ لیول کراسنگ آتے رکھ کننگ و اوفتا پوسکن آ وڑتیا اپ گریڈیشن نا بابت پیش رفت آ ہم سجفنگا۔ داکان بیدس، پنجاب ٹورازم ڈیپارٹمنٹ نا شریداری اٹ لاہور، راولپنڈی و ٹیکسلا ریلوائی اسٹیشن تا تزئین و آرائش نا ڈٹ آتیا ہم سرجمی اٹ گپ وتران مس۔ مریم اورنگزیب پارے کہ ٹورازم ڈیپارٹمنٹ نا کنڈآن دا اسٹیشن تا ماڈل تیار کننگانے و زوت عملی کاریم نا بناگمانی ءِ۔ دیوان اٹی گرین کوریڈور ڈٹ آہم پیش رفت نا جاچ ءِ ہلنگا، ہرا شاہدرہ آن کوٹ لکھپت ریلوائی ٹریک تون اسہ پوسکن و چاگڑد دوست ڈٹ اسے، دا بابت محکمہ جنگلات نا کمک اٹ ریلوائی لائن تون درخت آتا چِر آ شجرکاری نا ڈٹ آتیاہم گپ وتران مس۔ ہڑتوم آ وزیرآک لاہور آن راولپنڈی فاسٹ ٹرین ڈٹ انا پیش رفت آ ہم گپ وتران کریر و داعزم انا درشانی ءِ کریر کہ دا ڈٹ ءِ زوت آن زوت پوروی اسکان سرکننگک تانکہ الس ءِ تیز، رکھ و پوسکن سفری آسراتی فراوان کننگ مرے۔ اوڑدہی نا ایسر آ مریم اورنگزیب و محمد حنیف عباسی ریلوائی نا غٹ شونداری ڈٹ آتے بنجائی و صوبائی کہول آ خڑکی کمکاری تون مون آ دننگ آ امنا کریر ۔ ہڑتوم آ راہشونک پاریر کہ ریلوائی نا پوسکن، چاگڑد دوست و سیل وسوات ءِ مون آ دروک آ نظام پاکستان نا زرگزرانی سوگوی و السی آسراتی کن المی ءِ۔