بنجائی وزیر انفارمیشن ٹیکنالوجی شزہ فاطمہ خواجہ نا علاقائی ڈیجیٹل کمکاری نا مون آ دننگ و آئی سی ٹی نا پائیدار شونداری کن پاکستان نا عزم انا درشان

اسلام آباد۔ 05 نومبر (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ علاقائی ڈیجیٹل کمکاری نا مون آ دننگ و آئی سی ٹی نا پائیدار شونداری کن پاکستان نا عزم انا درشانی ءِ کرساپارینے کہ سپیکٹرم ، ہم گرنچی، ڈیٹا گورننس و سائبر سیکورٹی کمکاری نا اہم ٹک آک ءُ، پاکستان کنیکٹڈ  ، رکھ و پائیدار ڈیجیٹل سویلی ایشیاکن سنبرینگوک ءِ۔ داخیال آتا درشانی ءِ او چارشنبے نادے آ سویلی ایشیائی ٹیلی کمیونیکیشن ریگولیٹرز کونسل (سیٹرک) نا 26 می دیوان نا بنائی دود آن تران کرساکرے۔ اوپارے کہ دا دیوان اٹی شریک درملکی مندوبین آتے بخیر اٹ پانہ، دا کانفرنس آن ڈیہہ اٹی کنیکٹیوٹی و ڈیجیٹل رسینگ اٹی ودکی مریک۔ اوپارے کہ جہانی کہول آ انفارمیشن ٹیکنالوجی زرگزران اٹی اہم کڑد ادا کننگ ءِ، سویلی ایشیاڈیجیٹل شونداری نا اہم موڑآ سلوک ءِ۔ اوپارے کہ ڈیجیٹل نیشن پاکستان وزیراعظم محمد شہباز شریف نا وژن ءِ، ڈیجیٹل پاکستان نا بنداوی تمبہ سوگو و جوان کنیکٹویٹی نا مون آدننگ ءِ، ڈیجیٹل کمکاری و سرحدپار کنیکٹویٹی علاقائی شونداری کن المی ءِ۔ بنجائی وزیرپارے کہ راجی بشخ ، نظم و نسق و زرگزرانی شونداری، مینوفیکچرنگ و کشت و کشار تون اوار غٹ بشخ آتا شونداری سوگو، پت انا قابل کنیکٹویٹی آ ٹی ءِ۔ اوپارے کہ پاکستان اٹی 200 ملین موبائل و150 ملین براڈ بینڈ صارفین ءُ، ٹیلی کام سیکٹر قومی خزانہ ٹی 1.5 ٹریلین روپئی آن زیات نا بشخ شاغانے۔ اوپارے کہ ای گورننس نا رداٹ 98 درسد بنجائی وزارت آک، ای۔ آفس آ منتقل مسنو۔