اے این ایف نا خیبر اٹی انسداد منشیات نا سرسہب کارروائی ، منشیات نا بھلو کھیپ اس دوئی

اسلام آباد۔ 05 نومبر (اے پی پی) اینٹی نارکوٹکس فورس (اے این ایف) ضلع خیبر اٹی انسداد منشیات نا سرسہب کارروائی نا، پک انٹیلی جنس حوال آتیا منشیات نا بھلو کھیپ اس کوزہ ٹی ہلنگانے۔ حوالی نا رداٹ ضلع خیبرنا خلی آ علاقہ شاکس اٹی اودیم کروک 144 کلوگرام چرس دوئی مس۔ دوئی مروک منشیات آتے نن نا تہاری ٹی ملک انا گیشتر بشخ آتیٹی اسمگل کننگ ئس، دوئی مروک منشیات باڑہ نا اسہ بدنام زمانہ منشیات فروش گروہ سے نا ملکیت ءِ، ہرانا تانہ بانہ تیرہ تون ملک۔ حوالی نا رداٹ اے این ایف نا ٹیم وخت آ کارروائی کرسا چار پروپلین بیگ آتے دوئی کرے، پروپلین بیگ آتیٹی 120 پیکٹ چرس وخت اس کہ ہر پیکٹ نا وزن کم و ود 1200 گرام ءِ۔ واقعہ نا مقدمہ کانود نا رداٹ نوشتہ کننگانے۔ اے این ایف نا انسداد منشیات کارروائی پاکستان ءِ منشیات نا لعنت آن پاک کننگ نا کوشست آتا چرجوئی ءِ۔