بابا گرونانک دیوجی نا تعلیمات عالمگیر امن، رواداری، مہرومریبت  ، و انسانیت نا خذمت نا درس ایترہ، اسپیکر قومی اسمبلی سردار ایاز صادق

اسلام آباد۔ 05 نومبر (اے پی پی) اسپیکر قومی اسمبلی سردار ایاز صادق پارینے کہ بابا گرونانک دیوجی نا تعلیمات عالمگیر امن، رواداری، مہرومریبت و انسانیت نا خذمت نا درس ایترہ، اونا کلہو غٹ مذہب، نسل و راج آتا نیام اٹ تین پہ تینی شرف و ہم گرنچی نا مون آ دننگ کن راہشونی فراوان کیک۔ بابا گرونانک دیوجی نا 556 می یوم ولادت نا وخت آ پاکستان تون اوار مچ آ دنیا ٹی رہینگوک آ سکھ برادری ءِ مبارکبادی نا کلہو اٹی او پارے کہ داہیت ننکن گمر نا سوب ءِ کہ پاکستان، بابا گرونانک دیوجی نا پیدائش نا جاگہ ننکانہ صاحب تون اوار اوڑتون گنڈوک غٹ مقدس گوردوار آتا رکھ و خیالداری ءِ تینا زمواری تکک۔ اسپیکر قومی اسمبلی پارے کہ پاکستان نا پارلیمان پاکستان اٹ رہینگوک اقلیت آتا مذہبی ، راجی و آئینی حق انا رکھ اکن سنبرینگوک ءِ، و دابابت ملک اٹی تین پہ تینی ہم گرنچی و رواداری نا مون آ دننگ ءِ جمہوری قدر انا بنداوی تمبہ تصور کیک۔ اوپارے کہ داوخت آ نن باباگرونانک نا کلہو ءِ انسانیت، تحمل و انصاف آن راہشونی ہلسا اسہ ہندن ءُ دنیا سے نا جوڑ کننگ کن قول کین ہرا امن، شرف و تین پہ تینی مہرومریبت نا گہوارہ مرے۔